କରୋନା ଯୋଦ୍ଧାଙ୍କୁ ନମସ୍କାର

Apr 7, 2020 - 09:48 Updated: Apr 7, 2020 - 09:48

4017

କରୋନା ମୁକାବିଲା ପାଇଁ କେବଳ ଯେ କେନ୍ଦ୍ର ଓ ରାଜ୍ୟ ସରକାର ପ୍ରୟାସ କରୁଛନ୍ତି ତାହା ନୁହଁ, ବରଂ ହଜାର ହଜାର ଡାକ୍ତର ଓ ସ୍ୱାସ୍ଥ୍ୟ କର୍ମଚାରୀମାନେ ମଧ୍ୟ ଲାଗି ପଡିଛନ୍ତି । ଏଭଳି ସ୍ୱାସ୍ଥ୍ୟ ଜନିତ ସଙ୍କଟ ସମୟରେ ସେବା ଯୋଗାଉଥିବାବେଳେ ସେମାନଙ୍କୁ ଧନ୍ୟବାଦ ଦିଆଯାଇଛି । ଏନେଇ ସ୍ୱାସ୍ଥ୍ୟ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ଟ୍ୱିଟ୍ ଯୋଗେ କୁହାଯାଇଛି । ଆସନ୍ତୁ କିଛି ସମୟ ନେଇ ସମସ୍ତ ଡାକ୍ତର, ନର୍ସ ଏବଂ ସ୍ୱାସ୍ଥ୍ୟ କର୍ମୀଙ୍କୁ ଧନ୍ୟବାଦ ଜଣାଇବା, ଯେଉଁମାନେ # COVID19 ମହାମାରୀରୁ ବିଶ୍ବ କୁ ବଞ୍ଚାଇବା ପାଇଁ ନିରନ୍ତର କାର୍ଯ୍ୟ କରୁଛନ୍ତି | ଦୟାକରି ଘରେ ରୁହନ୍ତୁ ଏବଂ ସେମାନଙ୍କର ଅଲୌକିକ ପ୍ରୟାସକୁ ପ୍ରଶଂସା କରନ୍ତୁ । ବର୍ତ୍ତମାନ ପରିସ୍ଥିତିରେ ଘରେ ରହି କରୋନା ବିରୋଧରେ ଦୃଢ଼ତାର ସହ ମୁକାବିଲା କରିବା ଆମ ସମସ୍ତଙ୍କର ଦାୟିତ୍ୱ। ଏହା ହିଁ ସମସ୍ତଙ୍କୁ କରୋନା ସଂକ୍ରମଣରୁ ରକ୍ଷା କରିବ। ଏନେଇ ସଚେତନ ହୁଅନ୍ତୁ, ସରକାରୀ ନିର୍ଦ୍ଦେଶ ପାଳନ କରନ୍ତୁ। ସମସ୍ତଙ୍କ ମୂଲ୍ୟବାନ ଜୀବନ ସୁରକ୍ଷା ଆମ ହାତରେ।