ଖରା ଦିନ ବାତ୍ୟା ହୋଇଥିବାରୁ ଏହାର ଦ୍ୱାରା ବନ୍ୟା ଆଶଙ୍କା ନାହିଁ : ଜଳ ସମ୍ପଦ ଯନ୍ତ୍ରୀ
ଖରା ଦିନ ବାତ୍ୟା ହୋଇଥିବାରୁ ଏହାର ଦ୍ୱାରା ବନ୍ୟା ଆଶଙ୍କା ନାହିଁ : ଜଳ ସମ୍ପଦ ଯନ୍ତ୍ରୀ
admin
5022
ଭୁବନେଶ୍ୱର: ଆସନ୍ତା ୨୨ ତାରିଖ ସୁଦ୍ଧା ଉତ୍ତର ଆଣ୍ଡାମାନ ସାଗର ଏବଂ ଏହାର ପାଶ୍ୱର୍ବର୍ତ୍ତୀ ପୂର୍ବକେନ୍ଦ୍ରୀୟ ବଙ୍ଗୋପସାଗରରେ ଲଘୁଚାପ କ୍ଷେତ୍ର ସୃଷ୍ଟି ହେବ । ୨୪ ତାରିଖରେ ଏହା ସାମୁଦ୍ରିକ ଝଡ଼ ବା ବାତ୍ୟାରେ ପରିଣତ ହେବ । ସମ୍ଭାବ୍ୟ ବାତ୍ୟା ଉତ୍ତର ପଶ୍ଚିମ ଦିଗରେ ଗତି କରିବା ସହ ୨୬ ତାରିଖ ସକାଳ ସୁଦ୍ଧା ଓଡ଼ିଶା-ପଶ୍ଚିମବଙ୍ଗ ଉପକୂଳରେ ପହଞ୍ଚିବ ବୋଲି ଭାରତୀୟ ପାଣିପାଗ ବିଭାଗ ଆକଳନ କରିଛି । ତେବେ ଏହା ଖରା ଦିନ ବାତ୍ୟା ହୋଇଥିବାରୁ ଏହାର ଦ୍ୱାରା ବନ୍ୟା ଆଶଙ୍କା ନଥିବା ଜଳ ସମ୍ପଦ ସର୍ବୋଚ୍ଚ ଯନ୍ତ୍ରୀ ଜ୍ୟୋତିର୍ମୟ ରଥ କହିଛନ୍ତି ।
ସମ୍ଭାବ୍ୟ ବାତ୍ୟା ନେଇ ସେ କହିଛନ୍ତି ଯେ, ଆରଡି, ପୂର୍ତ୍ତ ଓ ଜଳ ସମ୍ପଦ ବିଭାଗ ପକ୍ଷରୁ ୨୪ ଘଣ୍ଟିଆ କଣ୍ଟ୍ରୋଲ ରୁମ ଖୋଲିବ । କଣ୍ଟ୍ରୋଲ ରୁମ ଖୋଲିବା ସହ ଏକ ଟୋଲ ଫ୍ରି ନମ୍ବର ଜାରି କରାଯିବ । ଯେଉଁଠି ଯାହା ଅସୁବିଧା ହେବ ସେହି ନମ୍ବରରେ ଜଣାଇ ପାରିବେ । ଖରାଦିନ ବାତ୍ୟା ଆସୁଥିବାରୁ ବନ୍ୟା ହେବନି, କେବଳ ଫ୍ଲାସ ଫ୍ଲଡ ହେବ । କିଛି ଜାଗାରେ ପାଣି ଜମିପାରେ । ସେଥିପାଇଁ ଆମେ ପ୍ରସ୍ତୁତ ଅଛୁ । ବନ୍ଧ ଉପରେ ନଜର ରଖାଯିବ । ଡ୍ରେନ ସଫା ପାଇଁ ନିଦେ୍ର୍ଧଶ ଦେଇଛୁ । ସମ୍ଭାବ୍ୟ ବାତ୍ୟା ନେଇ ୧୦ଟି ଜିଲ୍ଲା ପାଇଁ ଆମେ ପ୍ରସ୍ତୁତ ଅଛୁ ବୋଲି ଜଳ ସମ୍ପଦ ସର୍ବୋଚ୍ଚ ଯନ୍ତ୍ରୀ ଜ୍ୟୋତିର୍ମୟ ରଥ କହିଛନ୍ତି ।
