ଗୁଳିବିନିମୟରେ ଜଣେ ଯବାନ ଶହୀଦ, ୫ ମାଓବାଦୀ ନିହତ
ଗୁଳିବିନିମୟରେ ଜଣେ ଯବାନ ଶହୀଦ, ୫ ମାଓବାଦୀ ନିହତ
admin
3187
ଦୁମକା: ଝାଡ଼ଖଣ୍ଡର ଦୁମକା ଜଙ୍ଗଲରେ ଯବାନ ଏବଂ ମାଓବାଦୀଙ୍କ ମଧ୍ୟରେ ଗୁଳିବିନିମୟ ଘଟିଛି। ଏଥିରେ ଜଣେ ଯବାନ ଶହୀଦ ହୋଇଥିବାବେଳେ ୫ ମାଓବାଦୀ ନିହତ ହୋଇଛନ୍ତି। ଏଥିସହ ୪ ଯବାନ ଆହତ ହୋଇଛନ୍ତି। ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିବା ଦୁମକା ଏସପି ୱାଇ. ଏସ. ରମେଶ କହିଛନ୍ତି।
ସୂଚନାଯୋଗ୍ୟ, ଗତ ଶନିବାର ଦିନ ନକ୍ସଲଙ୍କ ଦ୍ୱାରା ଖଞ୍ଜା ଯାଇଥିବା ଆଇଇଡି ବିସ୍ଫୋରଣରେ ୧୧ ଜଣ ସିଆରପିଏଫ ଯବାନ ଆହତ ହୋଇଥିଲେ । ସେମାନଙ୍କ ମଧ୍ୟରୁ ୫ ଜଣ ଗୁରୁତର ହୋଇଥିଲେ । ସଢ଼େଇକଳା ଖରସୁଆଁ ଜିଲ୍ଲାର କୁଚାଇ ଅଂଚଳରେ ୨୦୯ କୋବ୍ରା ବାହିନୀ ସର୍ଚ୍ଚ ଅପରେଶନରେ ବାହାରିଥିବା ବେଳେ ଆଇଇଡି ବିସ୍ଫୋରଣ ହୋଇଥିଲା । ୫ ଜଣ ଯବାନଙ୍କୁ ଝାଡ଼ଖଣ୍ଡର ରାଜଧାନୀ ରାଞ୍ଚିସ୍ଥିତ ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା ।
