ଜାଣନ୍ତୁ କାଜୁ ଖାଇବା ଦ୍ୱାରା ଶରୀର କଣ ଉପକାର ହୋଇଥାଏ
ଜାଣନ୍ତୁ କାଜୁ ଖାଇବା ଦ୍ୱାରା ଶରୀର କଣ ଉପକାର ହୋଇଥାଏ
admin
5240
ଭୁବନେଶ୍ୱର: ଡ୍ରାଏ ଫୁଡ୍ ବିଷୟରେ ଆଲୋଚନା କଲେ ପ୍ରଥମେ ମନକୁ ଆସିଥାଏ କାଜୁ । ସାଧାରଣତଃ କାଜୁକୁ ଆମେ ମିଠା, ଖୀରି ଏବଂ ବିଭିନ୍ନ ପ୍ରକାରର ସ୍ୱାଦିଷ୍ଟ ଖାଦ୍ୟରେ ବ୍ୟବହାର କରିଥାଉ । କାଜୁ ଏମିତି ଏକ ଜିନିଷ, ଯେ କୌଣସି ଖାଦ୍ୟରେ ମିଶାଇଲେ ତା’ର ସ୍ୱାଦ ବଢ଼ି ଯାଇଥାଏ। ଏତିକି ନୁହେଁ, ସ୍ୱାସ୍ଥ୍ୟ ପ୍ରତି ମଧ୍ୟ ବହୁତ ଉପକାରୀ କାଜୁ ।
-ଗର୍ଭାବସ୍ଥାରେ ସାଧାରଣତଃ ରକ୍ତହୀନତା ଦେଖାଯାଇଥାଏ। ଏହି ସମୟରେ କାଜୁ ଖାଇଲେ ରକ୍ତହୀନତା ସମସ୍ୟାରୁ ମୁକ୍ତି ମିଳିଥାଏ।କାଜୁରେ ପର୍ଯ୍ୟାପ୍ତ ପରିମାଣର ଆଇରନ୍ର ଗୁଣ ରହିଥାଏ ଯାହା ଶରୀରାରେ ରକ୍ତକୁ ତିଆରି କରିବାରେ ସାହାଯ୍ୟ କରିଥାଏ।
-ଯଦି ଆପଣଙ୍କର କେଶ ସମ୍ବନ୍ଧୀୟ କୌଣସି ସମସ୍ୟା ସୃଷ୍ଟି ହେଉଥାଏ,ତେବେ କାଜୁ ଖାଇବା ଆପଣଙ୍କ ପାଇଁ ଲାଭଦାୟକ ହେବ। କାରଣ କାଜୁରେ ମ୍ୟାଗ୍ନେସିୟମ୍, ଆଇରନ୍, ଫସଫରସ୍ ଏବଂ ଜିଙ୍କ ପରି ପୁଷ୍ଟିକର ଉପାଦାନଗୁଡିକ ରହିଛି। ଯାହା କେଶ ପାଇଁ ମଧ୍ୟ ଆବଶ୍ୟକ ହୋଇଥାଏ। କାଜୁ ଖାଇବା ଦ୍ୱାରା ଆପଣଙ୍କ କେଶ ମଜବୁତ୍ ହେବାସହ ଘନ ହୋଇଥାଏ।
-ଶରୀରରେ ଓଜନକୁ ହ୍ରାସ୍ କରିବା ପାଇଁ କାଜୁ ଲାଭଦାୟକ ହୋଇଥାଏ। କାରଣ ଏଥିରେ ଫାଇବରର ଗୁଣ ରହିଥାଏ। ଫାଇବର ଯୁକ୍ତ ଖାଦ୍ୟ ଖାଇବା ଦ୍ୱାରା ଆପଣଙ୍କୁ ବେଶି ଭୋକ ଲାଗିନଥାଏ । ଏହାଦ୍ୱାରା ଆପଣ କମ୍ ଖାଦ୍ୟ ଖାଇବେ, ଯାହାଫଳରେ ଶରୀରରୁ ଓଜନ ହ୍ରାସ୍ ପାଇବ ।
-ଜଙ୍କ ଫୁଡ୍ ଖାଇବାକୁ ପ୍ରାୟ ସମସ୍ତଙ୍କୁ ଭଲ ଲାଗିଥାଏ। ହେଲେ ଏହାଦ୍ୱାରା ଦାନ୍ତଜନିତ ସମସ୍ୟା ଦେଖାଯାଇଥାଏ। ଦାନ୍ତକୁ ସୁସ୍ଥ ରଖିବା ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ ପୋଷକ ତତ୍ତ୍ୱ ହେଉଛି କ୍ୟାଲସିୟମ୍, ଯାହା କାଜୁରେ ରହିଥାଏ। ଆପଣ ଯଦି ପ୍ରତିଦିନ କାଜୁ ଖାଆନ୍ତି, ତେବେ ଏହା ଦାନ୍ତକୁ ପର୍ଯ୍ୟାପ୍ତ ପରିମାଣର କ୍ୟାଲସିୟମ ଯୋଗାଇବା ସହ ଦାନ୍ତକୁ ବିଭିନ୍ନ ରୋଗରୁ ଦୂରେଇ ରଖିବାରେ ସାହାଯ୍ୟ କରିଥାଏ।
– ଦୃଦରୋଗରୁ ରକ୍ଷା ପାଇବା ପାଇଁ କାଜୁ ଖାଇବା ନିତ୍ୟାନ୍ତ ଜରୁରୀ ଅଟେ। କାରଣ ଏହା ଶରୀରରେ ବ୍ଲଡ୍ପ୍ରେସରକୁ ହ୍ରାସ କରିବାରେ ସହାୟକ ହୋଇଥାଏ। କାଜୁକୁ ଆପଣ ସକାଳ ଜଳଖିଆ ପରେ କିମ୍ୱା ରାତିରେ ଶୋଇବା ପୂର୍ବରୁ ଖାଇପାରିବେ।
-ଆପଣମାନେ ପ୍ରାୟତଃ ଶୁଣିଥିବେ ଯେ କାଜୁ ଖାଇବା ଦ୍ୱାରା ମସ୍ତିଷ୍କ ସକ୍ରିୟ ହୋଇଥାଏ। କାରଣ ଏଥିରେ ଥିବା ମ୍ୟାଗ୍ନେସିୟମର ପରିମାଣ ମସ୍ତିଷ୍କରେ ରକ୍ତ ପ୍ରବାହକୁ ସଠିକ୍ ଭାବେ କରିଥାଏ,ଯାହା ମସ୍ତିଷ୍କକୁ ସକ୍ରିୟ କରିବାରେ ସାହାଯ୍ୟ କରିଥାଏ।
-ଡାଇଭେଟିସ୍ ରୋଗୀଙ୍କ ପାଇଁ କାଜୁ ଲାଭଦାୟକ ହୋଇଥାଏ। କାରଣ ଏଥିରେ ପୁଷ୍ଟିକର ଉପାଦାନ ଥାଏ ଯାହା ଡାଇବେଟିସ୍ ରୋଗୀଙ୍କ ପାଇଁ ଆବଶ୍ୟକ। ରକ୍ତରେ ଥିବା ସୁଗାର ସ୍ତରକୁ ସନ୍ତୁଳନ କରିବା ପାଇଁ ସକ୍ରିୟ ଭାବରେ କାର୍ଯ୍ୟ କରିଥାଏ।
