ବ୍ଲକରେ ହେବ ଡିଏଲ କ୍ୟାମ୍ପ

Sep 24, 2019 - 09:22 Updated: Sep 24, 2019 - 09:22

3998

ଭୁବନେଶ୍ୱର : ସମ୍ପ୍ରତି ଟ୍ରାଫିକ ନିୟମ ବହୁତ କଡ଼ାକଡ଼ି ଭାବେ ପାଳନ କରାଯାଉଛି । ଜରିମାନା ରାଶି ପରିମାଣ ବହୁ ବୃଦ୍ଧି ପାଇଥିବାରୁ ଏହାକୁ ନେଇ ଜନଅସନ୍ତୋଷ ମଧ୍ୟ ପରିଲକ୍ଷିତ ହେଉଛି । ତେବେ ଏନେଇ ସରକାର ତିନିମାସ କୋହଳ କରିଥିଲେ ବି ଲୋକଙ୍କ ପାଖରେ ଯେଭଳି ଏସଂକ୍ରାନ୍ତୀୟ ସେବା ପହଁଚିପାରିବ ସେଦିଗରେ ଗୁରୁତ୍ୱାରୋପ କରାଯାଉଛି । ଗ୍ରାମାଂଚଳରେ ଅଧିକାଂଶ ଚାଳକ ବିନା ଲାଇସେନ୍ସରେ ଗାଡ଼ି ଚଳାଉଥିବା ଦେଖିବାକୁ ମିଳିଛି । ତେଣୁ ପ୍ରତି ବ୍ଲକରେ ଡ୍ରାଇଭିଂ ଲାଇସେନ୍ସ ପାଇଁ କ୍ୟାମ୍ପ କରିବାକୁ ସରକାର ନିଷ୍ପତି ନେଇଛନ୍ତି । ଏସଂକ୍ରାନ୍ତରେ ସୂଚନା ଦେଇ ପରିବହନ ମନ୍ତ୍ରୀ ପଦ୍ମନାଭ ବେହେରା କହିଛନ୍ତିଯେ, ବ୍ଲକ ଓ ସବଡିଭିଜନସ୍ତରରେ ଡିଏଲ କ୍ୟାମ୍ପ କରାଯିବ । ସେଠାରେ ଚାଳକମାନଙ୍କୁ ଲର୍ଣ୍ଣିଂ ଲାଇସେନ୍ସ ପ୍ରଦାନ କରାଯିବ । ଏହାଛଡ଼ା ବ୍ଲକସ୍ତରରେ ପ୍ରଦୁ୍ୟଷଣ ପ୍ରମାଣପତ୍ର ପ୍ରଦାନ ପାଇଁ ମଧ୍ୟ କ୍ୟାମ୍ପ କରାଯିବ ବୋଲି ଶ୍ରୀ ବେହେରା ସୂଚନା ପ୍ରଦାନ କରିଛନ୍ତି ।