ରାଜ୍ୟର ୧୪ ଶହ ବରପୁତ୍ରଙ୍କର ଗ୍ରାମକୁ ଆଦର୍ଶ ଗ୍ରାମରେ ପରିଣତ କରାଯିବ

Jan 28, 2021 - 07:03 Updated: Jan 28, 2021 - 07:03

3345

ଭୁବନେଶ୍ୱର : ରାଜ୍ୟର ୧୪ ଶହ ବରପୁତ୍ରଙ୍କର ଗ୍ରାମକୁ ଆଦର୍ଶ ଗ୍ରାମରେ ପରିଣତ କରାଯିବ । ଆନ୍ତଃ ମନ୍ତ୍ରୀସ୍ତରୀୟ ବୈଠକରେ ଏହି ନିଷ୍ପତି ନିଆଯାଇଛି । ବରପୁତ୍ରମାନଙ୍କ ଗାଁକୁ ଆଦର୍ଶ ଗାଁରେ ପରିଣତ କରିବା ପାଇଁ କ୍ୟାବିନେଟରେ ନିଷ୍ପତି ନିଆଯାଇଥିଲା । ତାହାର କାର୍ଯ୍ୟାନ୍ୱୟନ ପାଇଁ ପ୍ରସ୍ତୁତି ଆରମ୍ଭ ହୋଇଛି । ଅର୍ଥମନ୍ତ୍ରୀ ନିରଞ୍ଜନ ପୂଜାରୀ, କୃଷିମନ୍ତ୍ରୀ ଅରୁଣ ସାହୁ, ସଂସ୍କୃତି ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ, ଗଣଶିକ୍ଷା ମନ୍ତ୍ରୀ ସମୀର ଦାଶ, ହସ୍ତତନ୍ତ ଓ ବୟନ ମନ୍ତ୍ରୀ ପଦ୍ମିନୀ ଦିଆନ ଆନ୍ତଃ ମନ୍ତ୍ରୀସ୍ତରୀୟ ବୈଠକରେ ଯୋଗଦେଇ ଏସଂକ୍ରାନ୍ତରେ ସବିଶେଷ ଆଲୋଚନା କରିଥିଲେ । ରାଜ୍ୟ ସଂସ୍କୃତି ବିଭାଗ ଓ ସାହିତ୍ୟ ଏକାଡେ଼ମୀ ପକ୍ଷରୁ ଏନେଇ ତଥ୍ୟ ରଖାଯାଇଛି । ଏଥିପାଇଁ ପାଖାପାଖି ୧୪୦୦ ବରପୁତ୍ରମାନଙ୍କର ଏକ ତାଲିକା ପ୍ରସ୍ତୁତ କରାଯାଇଛି । ସେହିସବୁ ଗ୍ରାମକୁ ଆଦର୍ଶ ଗ୍ରାମରେ ରୂପାନ୍ତରିତ କରିବା ପାଇଁ ବିଭିନ୍ନ ବିଭାଗ ପକ୍ଷରୁ କାର୍ଯ୍ୟକ୍ରମମାନ ହାତକୁ ନିଆଯିବ । ସେହିପରି କେଉଁ ଶ୍ରେଣୀରେ କେଉଁ ବରପୁତ୍ରମାନଙ୍କ ବିଷୟରେ ପଢ଼ାଯିବ ସେନେଇ ଆଲୋଚନା ହୋଇଛି ।