ସୀମାରେ ଶକ୍ତି ବଢାଉଛି ଚୀନ୍ : ଡୋକଲାମରୁ ୯ କିମି ଦୂରରେ ଗ୍ରାମ ନିର୍ମାଣ
ସୀମାରେ ଶକ୍ତି ବଢାଉଛି ଚୀନ୍ : ଡୋକଲାମରୁ ୯ କିମି ଦୂରରେ ଗ୍ରାମ ନିର୍ମାଣ
admin
2569
ନୂଆଦିଲ୍ଲୀ : ଭାରତ ଏବଂ ଚୀନ ମଧ୍ୟରେ ସୀମା ବିବାଦ ଆଦୌ ନୂଆ ଜିନିଷ ନୁହେଁ । ୧୯୬୨ ମସିହାରୁ ଆରମ୍ଭ ହୋଇଥିବା ଏହି ସୀମା ବିବାଦ ଏବେ ଏକ ନୂତନ ସ୍ତରରେ ପହଞ୍ଚିଛି । ଲଦାଖରେ ଘଟିଥିବା ସଂଘର୍ଷ କାରଣରୁ ଉଭୟ ଦେଶ ମଧ୍ୟରେ ଶାନ୍ତି ଆଲୋଚନା ଜାରି ରହିଥିବା ବେଳେ ଆଉ ଏକ ଚକିତ କରିବା ଭଳି ଘଟଣା ସାମ୍ନାକୁ ଆସିଛି ।
ମିଳିଥିବା ନୂତନ ସୂଚନା ଅନୁଯାୟୀ ଚୀନ ସୀମାରେ ନିଜର ଶକ୍ତି ବଢାଇବାର ସମ୍ପୂର୍ଣ୍ଣ ପ୍ରୟାସ ଜାରି ରଖିଛି । ଡୋକଲାମ , ଯେଉଁଠାରେ ୨୦୧୭ ମସିହାରେ ଉଭୟ ରାଷ୍ଟ୍ର ମଧ୍ୟରେ ମୁହାଁମୁହିଁ ପରସ୍ଥିତି ଉପୁଜିଥିଲା ସେଠାରୁ ମାତ୍ର ୯ କିମି ଦୂରରେ ଚୀନ ଏକ ଗାଁ ନିର୍ମାଣ କରିଛି । ଏହି ନୂତନ ଗାଁର ନାମ ପାଙ୍ଗଡା ରହିଥିବା ବେଳେଏହା ଭୂଟାନ ସୀମାର ୨ କିମି ଭିତରକୁ ରହିଛି ।
ଚୀନର ଏକ ଘରୋଇ ଗଣମାଧ୍ୟମ ଚ୍ୟାନେଲ ସିଜିଟିଏନ ଟିଭିର ପ୍ରଯୋଜକ ସେନ ସିୱେଇଙ୍କ ଟ୍ୱିଟ ପରେ ଏହି ଘଟଣା ସାମ୍ନାକୁ ଆସିଥିଲା । ସିୱେଇ ଏହି ଘଟଣାକୁ ନେଇ କିଛି ଫଟୋ ମଧ୍ୟ ଜାରି କରିଥିଲେ ତେବେପରବତର୍୍ୀ ସମୟରେ ସେ ନିଜର ଟ୍ୱିଟ ଡିଲିଟ କରି ଦେଇଥିଲେ । ଭୂଟାନ ସୀମାର ୨-୨.୫ କିମି ଅଞ୍ଚଳରେ ଏହି ଗ୍ରାମର ନିର୍ମାଣ କରାଯାଇଛି । ଉଲ୍ଲେଖଯୋଗ୍ୟ ଯେ, ଚୀନ ସେନା ଭୂଟାନରେ ଗ୍ରାମ ସ୍ଥାପନ କରିବା ଚିନ୍ତାର ବିଷୟ, କାରଣ ଭୂଟାନର ସୀମା ସୁରକ୍ଷା ଭାରତୀୟ ଯବାନଙ୍କ ଉପରେ ନ୍ୟସ୍ତ ।
