୨ ବନକର୍ମଚାରୀ ନିଲମ୍ବିତ

Sep 20, 2019 - 06:25 Updated: Sep 20, 2019 - 06:25

2066

ସେପ୍ଟେମ୍ବର :କଟକ ତିଗିରିଆ ଫରେଷ୍ଟ ରେଞ୍ଜରେ କଲରାପତରିଆ ବାଘର ମୃତ୍ୟୁ ଘଟଣାରେ ୨ଜଣ ବନ କର୍ମଚାରୀଙ୍କୁ ନିଲମ୍ବନ କରାଯାଇଛି । ତିଗିରିଆ ଫରେଷ୍ଟ ରେଞ୍ଜରେ ମୃତ କଲରାପତରିଆ ବାଘର ମୃତଦେହକୁ ବନବିଭାଗ ଲୁଚାଇ ରଖିଥିବା ଅଭିଯୋଗ ହୋଇଥିଲା । ବାଘର ମୃତ୍ୟୁ କାରଣ ସ୍ପଷ୍ଟ ହୋଇପାରିନଥିଲା । କିନ୍ତୁ ଶିକାରୀ ବସାଇଥିବା ବିଦ୍ୟୁତ ତାର ଲାଗି କଲରାପତରିଆର ମୃତ୍ୟୁ ହୋଇଥିବା ବନବିଭାଗ ସୂଚନା ଦେଇଥିଲା । ଫଳରେ ଏନେଇ ତଦନ୍ତ କରାଯାଇ କଲରାପତରିଆର ମୃତ୍ୟୁ କାରଣ ଓ ତଗିରିଆ ନିଜିଗଡ଼ର ଫରେଷ୍ଟ ଅଫିସରେ ମୃତଦେହ ରଖିବା ଘଟଣାରେ ସମ୍ପୃକ୍ତ ଫରେଷ୍ଟର ସୁଚରିତା ରାୟ ଓ ଫରେଷ୍ଟ ଗାର୍ଡ଼ ଚନ୍ଦନ ବେହେରାଙ୍କୁ ନିଲମ୍ବିତ କରାଯାଇଛି । ଉଲ୍ଲେଖଯୋଗ୍ୟ, ଗତ ୧୬ତାରିଖରେ କଟକ ଆଠଗଡ଼ ବନଖଣ୍ଡ ହରିଡ଼ାପଶି ଜଙ୍ଗଲରେ ଏକ କଲରାପତରିଆ ବାଘର ମୃତ୍ୟୁ ଘଟିଥିଲା । ନିଜିଗଡ଼ର ଫରେଷ୍ଟ ଅଫିସରେ କଲରାପତରିଆର ମୃତଦେହ ରଖାଯାଇଥିଲା । କଲରାପତରିଆ ବାଘର ମୃତ୍ୟୁ କାରଣ ସ୍ପଷ୍ଟ ହୋଇପାରିନଥିଲା ।