ଆଇ ଲଭ ୟୂ କହିଲେ, ଫ୍ଲାଇଂ କିସ ଦେଲେ କେଜ୍ରିୱାଲ
ଆଇ ଲଭ ୟୂ କହିଲେ, ଫ୍ଲାଇଂ କିସ ଦେଲେ କେଜ୍ରିୱାଲ
admin
1825
ନୂଆଦିଲ୍ଲୀ : ‘ଦିଲ୍ଲୀବାସୀ ଆଇ ଲଭ ୟୂ । ଏତିକି କହି ଫ୍ଲାଇଂ କିସ ବି ଦେଲେ ।’ ଜିତିବା ପରେ ଏମିତି ପ୍ରତିକ୍ରିୟା ବ୍ୟକ୍ତ କରିଛନ୍ତି ଅରବିନ୍ଦ କେଜ୍ରିୱାଲ ।
ସେ କହିଛନ୍ତିଯେ, ଏହି ବିଜୟ ମୋର ନୁହେଁ, ଏ ଦିଲ୍ଲୀବାସୀଙ୍କ ବିଜୟ । ଯେଉଁମାନେ ତାଙ୍କୁ ପୁଅ ଭାବି ବିଜୟ ଦେଇଛନ୍ତି । ଯେଉଁ ପରିବାରକୁ କମ ଦରରେ ବିଜୁଳି ମିଳୁଛି, ଯେଉଁ ପରିବାରର ପିଲାମାନେ କମ ଖର୍ଚ୍ଚରେ ଶିକ୍ଷା ପାଇପାରୁଛନ୍ତି, ଯେଉଁ ପରିବାର ମାଗଣା ସ୍ୱାସ୍ଥ୍ୟ ସେବା ପାଉଛନ୍ତି ସେହି ପରିବାରର ଏହା ବିଜୟ । ପ୍ରଥମ ଥର ପାଇଁ ‘କାମ କୀ ରାଜନୀତି’ ଆଧାରରେ ଭୋଟ ମିଳିଛି । ଦିଲ୍ଲୀ ଲୋକେ ବାର୍ତା ଦେଇଛନ୍ତି, ଯିଏ ୨୪ ଘଂଟିଆ ବିଜୁଳି ଦେବ, ଯିଏ ଶସ୍ତାରେ ବିଜୁଳି ଦେବ ତାକୁ ଭୋଟ ମିଳିବ । ଯିଏ ମହଲା କ୍ଲିନିକ ଦେବ, ତାଙ୍କୁ ହିଁ ଭୋଟ ମିଳିବ । ଯିଏ ରାସ୍ତା କରିବ, ତାକୁ ହିଁ ଭୋଟ ମିଳିବ । ଏହି ବିଜୟ ପୂରା ଦେଶର, ପୂରା ଭାରତମାତାର ବୋଲି ସେ କହିଛନ୍ତି ।
ଆଜି ମଙ୍ଗଳବାର । ହନୁମାନଙ୍କ ଦିନ । ହନୁମାନ ତାଙ୍କ କୃପା ଦିଲ୍ଲୀବାସୀଙ୍କ ଉପରେ ବର୍ଷା କରିଛନ୍ତି । ହନୁମାନଙ୍କୁ ବି ବହୁତ ବହୁତ ଧନ୍ୟବାଦ । ଗତ ୫ ବର୍ଷ ଧରି ଯେମିତି ଦିଲ୍ଲୀବାସୀଙ୍କ ସେବା କରିଥିଲୁ ଆଗାମୀ ୫ ବର୍ଷ ପର୍ଯ୍ୟନ୍ତ ସେମିତି କାମ କରିବାକୁ ଭଗବାନ ଶକ୍ତି ଦିଅନ୍ତୁ । ଆମକୁ ଆଶୀର୍ବାଦ ଦିଅନ୍ତୁ ବୋଲି ସେ କହିଥିଲେ । ସେହିପରି କାର୍ଯ୍ୟକର୍ତାମାନଙ୍କୁ ମଧ୍ୟ ସେ ଧନ୍ୟବାଦ ଜଣାଇଛନ୍ତି । ଆଜି ତାଙ୍କ ସ୍ତ୍ରୀର ଜନ୍ମଦିନ ବୋଲି କହିବା ସହ ନିଜ ପରିବାରକୁ ବି ଧନ୍ୟବାଦ ଦେଇଛନ୍ତି । ଆଗାମୀ ୫ ବର୍ଷ ପାଇଁ ସମସ୍ତ ଆପ କାର୍ଯ୍ୟକର୍ତା ଦିଲ୍ଲୀର ବିକାଶ ପାଇଁ କାର୍ଯ୍ୟ କରିବାକୁ କେଜ୍ରିୱାଲ ଆହ୍ୱାନ ଦେଇଛନ୍ତି ।
