ଓଡିଶାରେ ମୁଣ୍ଡ ପିଛା ଋଣ ଭାର ୨୩,୫୨୪.୮୨ ଟଙ୍କାରେ ପହଞ୍ଚିଛି
ଓଡିଶାରେ ମୁଣ୍ଡ ପିଛା ଋଣ ଭାର ୨୩,୫୨୪.୮୨ ଟଙ୍କାରେ ପହଞ୍ଚିଛି
admin
3866
ଭୁବନେଶ୍ୱର: ରାଜ୍ୟରେ ଋଣଭାର କ୍ରମାଗତଭାବେ ବଢିବାରେ ଲାଗିଛି । ବର୍ତ୍ତମାନ ମୁଣ୍ଡ ପିଛା ଋଣ ଭାର ୨୩,୫୨୪.୮୨ ଟଙ୍କାରେ ପହଞ୍ଚିଛି । ବିଧାନସଭାରେ କଂଗ୍ରେସ ବିଧାୟକ ତାରାପ୍ରସାଦ ବାହିନୀପତିଙ୍କ ପ୍ରଶ୍ନରେ ଉତ୍ତର ରଖି ଏହି ସୂଚନା ଦେଇଛନ୍ତି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ । ତାଙ୍କ ସୂଚନା ଅନୁଯାୟୀ ୨୦୨୦-୨୧ ଆର୍ଥିକ ବର୍ଷ ଶେଷ ସୁଦ୍ଧା ଋଣଭାର ୧,୦୩,୪୧୦.୪୦ କୋଟିରେ ପହଞ୍ଚିଛି । ଯେଉଁଥିରେ ୬୩୪୭ କୋଟି ବୈଦେଶିକ ଋଣ ରହିଛି । ନାବାର୍ଡ ଠାରୁ ରାଜ୍ୟ ସରକାର ୧୫ ହଜାର ୬୨୩ କୋଟି ଟଙ୍କା ଋଣ ଆଣିଛନ୍ତି । ରାଜ୍ୟ ସରକାରଙ୍କ ଆଭ୍ୟନ୍ତରୀଣ ଋଣ ପରିମାଣ ୫୩ ହଜାର ୩୮୫ କୋଟିରେ ପହଞ୍ଚିଛି ବୋଲି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ସୂଚନା ଦେଇଛନ୍ତି ।
