ଘଣ୍ଟାଏ କି ଦୁଇ ଘଣ୍ଟା ନୁହେଁ, ପାଖାପାଖି ୭୨ ଘଣ୍ଟା ଶବ ପଡ଼ିରହିଛି
ଘଣ୍ଟାଏ କି ଦୁଇ ଘଣ୍ଟା ନୁହେଁ, ପାଖାପାଖି ୭୨ ଘଣ୍ଟା ଶବ ପଡ଼ିରହିଛି
admin
4177
ଆନନ୍ଦପୁର: ଶବ ପଡ଼ିରହିଛି । ଘଣ୍ଟାଏ କି ଦୁଇ ଘଣ୍ଟା ନୁହେଁ, ପାଖାପାଖି ୭୨ ଘଣ୍ଟା । କେହି ଉଠାଉନାହାନ୍ତି । ପଡ଼ି ପଡ଼ି ଶବ ପଚିବା ଆରମ୍ଭ ହୋଇଗଲାଣି । ଏଭଳି ଦୃଶ୍ୟ ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଆନନ୍ଦପୁରରେ । ମୃତୁ୍ୟର ୭୨ଘଣ୍ଟା ପରେ ବି ଶବ ସଂସ୍କାର ହେଲାନି । ଘସିପୁରା ଥାନା ଜାମବାହାଳି ଗ୍ରାମରେ ଜଣେ ମହିଳାଙ୍କ ମୃତଦେହ ପଚୁଛି । ଫୋରେନସିକ ଟିମ ଆସିବ କହି ବ୍ୟବଚ୍ଛେଦ ପାଇଁ ପୁଲିସ ପଠାଉନଥିବା ଜଣାଯାଇଛି ।
ପ୍ରକାଶ ଯେ, ଗତ ଶନିବାର ଜାମବାହାଳି ଗ୍ରାମରେ ଜଣେ ମହିଳାଙ୍କ ସନେ୍ଦହଜନକ ଅବସ୍ଥାରେ ମୃତୁ୍ୟ ଘଟିଥିଲା । ଦେହରେ କ୍ଷତଚିହ୍ନ ସହ ଭଙ୍ଗା ଚୁଡ଼ି ମୃତଦେହ ପାଖରୁ ମିଳିଥିଲା । ଖବର ପାଇ ପୁଲିସ ଗତକାଲି ପହଞ୍ଚିଥିଲେ ବି ଶବ ଉଠାଇନଥିଲା । ଫୋରେନସିକ ଟିମ ଆସି ତଦନ୍ତ କଲା ପରେ ଶବ ଉଠାଯିବ ବୋଲି ପୁଲିସ କହିଥିଲା । ତେବେ ଏଯାବତ ୭୨ ଘଣ୍ଟା ବିତିଥିଲେ ବି ଫୋରେନସିକ ଟିମ ପହଞ୍ଚି ନାହିଁ । ଶବ ପଡ଼ି ପଚୁ ଥିବାବେଳେ ଗ୍ରାମରେ ଏହାକୁ ନେଇ ତୀବ୍ର ଅସନ୍ତୋଷ ପ୍ରକାଶ ପାଇଛି ।
