ପଦ୍ମପୁର : ମହେନ୍ଦ୍ର ବଢେ଼ଇ ହେବେ ବିଜେଡ଼ି ପ୍ରାର୍ଥୀ
ପଦ୍ମପୁର : ମହେନ୍ଦ୍ର ବଢେ଼ଇ ହେବେ ବିଜେଡ଼ି ପ୍ରାର୍ଥୀ
admin
ଭୁବନେଶ୍ୱର : ପଦ୍ମପୁର ପାଇଁ ରାଜନୀତି ଏବେ ସରଗରମ । ଭାରତୀୟ ଜନତା ପାର୍ଟି ଓ କଂଗ୍ରେସ ପ୍ରାର୍ଥୀ ଚୟନ କରି ସାରିଥିବାବେଳେ ବିଜେଡ଼ି ଏବେବି ଅଙ୍କ କଷି ଚାଲିଛି । ବିଜେପିରୁ ପୂର୍ବତନ ବିଧାୟକ ପ୍ରଦୀପ ପୁରୋହିତ ଓ କଂଗ୍ରେସରୁ ପୂର୍ବତନ ବିଧାୟକ ସତ୍ୟଭୂଷଣ ସାହୁ ପ୍ରାର୍ଥୀ ହେବେ । ତେବେ ବିଜୁ ଜନତା ଦଳ ମହେନ୍ଦ୍ର ବଢେ଼ଇଙ୍କୁ ପ୍ରାର୍ଥୀ କରିବାର ଯଥେଷ୍ଟ ସମ୍ଭାବନା ରହିଛି ।
ମହେନ୍ଦ୍ର ଜଣେ ପ୍ରଶାସନିକ ଅଧିକାରୀ । ପଦ୍ମପୁର ପାଖ ଟାଲ ଗାଁର ବାସିନ୍ଦା ମହେନ୍ଦ୍ର ନୂଆପଡ଼ାର ଉପ ଜିଲ୍ଲାପାଳ ଥିଲେ । ବିଏମସିର ମଧ୍ୟ ଡେପୁଟି କମିଶନର ଭାବେ ସେ କାର୍ଯ୍ୟ କରିଛନ୍ତି । ଏବେ ସେ ଚାକିରୀରୁ ଇସ୍ତଫା ଦେଇଥିବା ଜାଣିବାକୁ ମିଳିଛି । ବିଜୟ ରଞ୍ଜନ ସିଂ ବରିହା ଅସୁସ୍ଥ ହେବା ପରଠାରୁ ସେ ନୂଆପଡ଼ାକୁ ବଦଳି ହୋଇଆସିଥିଲେ । ବିଜୟରଞ୍ଜନଙ୍କ ପରିବାରରେ ଟିକେଟକୁ ନେଇ ଟଣାଓଟରା ଚାଲିଛି । ବିଜୟ ରଞ୍ଜନଙ୍କ ସ୍ତ୍ରୀ ତିଳୋତମାଙ୍କୁ ନେଇ ବହୁ ଚର୍ଚ୍ଚା ହେଉଥିଲା । ସେହିପରି ବିଜୟଙ୍କ ଭାଇ ମନୋରଞ୍ଜନ ସିଂ ବରିହାଙ୍କ ନାମକୁ ନେଇ ମଧ୍ୟ ତର୍ଜମା କରାଯାଉଥିଲା । ଖାଲି ସେତିକିନୁହେଁ ବିଜୟଙ୍କ ଝିଅ ତଥା ବିଜେପି ନେତା ରମା ରଞ୍ଜନ ବଳିୟାରସିଂହଙ୍କ ବୋହୂ ବର୍ଷାରାଣୀଙ୍କ ପାଇଁ ବି ଲବି ଚାଲିଥିଲା ।
ଏସବୁ ଭିତରେ କିଏ ଦଳୀୟ ପ୍ରାର୍ଥୀ ହେବେ ତାହାକୁ ନେଇ ଚର୍ଚ୍ଚା ଜୋର ଧରିଛି । ତେବେ ବିଜେଡ଼ି ମହେନ୍ଦ୍ରଙ୍କୁ ପ୍ରାର୍ଥୀ କରିପାରେ ବୋଲି କୁହାଯାଉଛି ।
