୨୬ତମ ସହୀଦ ରତିକାନ୍ତ-କୁଲଦୀପ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ
୨୬ତମ ସହୀଦ ରତିକାନ୍ତ-କୁଲଦୀପ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ
admin
2782
ବାରିପଦା(ଦିଲ୍ଲୀପ ମହାନ୍ତି) - ବାରିପଦା ମଧୁବନ ମିନି ଷ୍ଟାଡ଼ିୟମରେ ଆଜି ୨୬ତମ ସହୀଦ ରତିକାନ୍ତ-କୁଲଦୀପ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଥିଲା । ଏହି ପରିପ୍ରେକ୍ଷୀରେ ଆୟୋଜିତ ଉଦଘାଟନୀ ସମାରୋହରେ ମୁଖ୍ୟ ଅତିଥି ଭାବେ ଓଡ଼ିଶା ବିଧାନସଭାର ପୂର୍ବତନ ଉପବାଚସ୍ପତି ତଥା ସହୀଦ ରତିକାନ୍ତ-କୁଲଦୀପ ମେମୋରିଆଲର ଅଧ୍ୟକ୍ଷ ସାନନ୍ଦ ମାର୍ଣ୍ଡି ମୁଖ୍ୟ ଅତିଥି ଭାବେ ଓ ସମ୍ମାନୀତ ଅତିଥି ଭାବେ ସମାଜସେବୀ ଗିରିଶ ଚନ୍ଦ୍ର ଦାସ ଯୋଗ ଦେଇ ଟୁର୍ଣ୍ଣାମେଣ୍ଟର ଶୁଭ ଉଦଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ବିଜୁ ଯୁବ ଜନତା ଦଳ ଜୋନାଲ ସଭାପତି ସୁବ୍ରମଣ୍ୟମ୍ ମହାନ୍ତି, ଜିଲ୍ଲା ସଭାପତି ଦେବାଶିଷ ମହାନ୍ତି, ସରୋଜ ମହାପାତ୍ର, ପ୍ରଭାତ ମହାନ୍ତି ପ୍ରମୁଖ ମଞ୍ଚାସୀନ ରହିଥିଲେ ।
ଡ଼ିସେମ୍ବର ୧୯ରୁ ୨୨ ପର୍ଯ୍ୟନ୍ତ ୪ ଦିନ ଧରି ହେବାକୁ ଥିବା ଉକ୍ତ କ୍ରିକେଟ ଟୁର୍ଣ୍ଣାମେଣ୍ଟର ପ୍ରଥମ ଦିନର ପ୍ରଥମ ମ୍ୟାଚ ମଧୁବନ ଷ୍ଟାର ୧୧ ଓ ସିକ୍ରେଟ-୧୧ ମଧ୍ୟରେ ଅନୁଷ୍ଠିତ ହୋଇଥିଲା ଏବଂ ମଧୁବନ ଷ୍ଟାର ୧୧ ଟସ ଜିଣି ବ୍ୟାଟିଂ ନେଇ ନିର୍ଦ୍ଧାରିତ ୧୫ ଓଭରରେ ସମସ୍ତ ଉଇକେଟ ହରାଇ ୯୩ ରନ୍ କରିଥିଲେ । ଏହାର ଜବାବରେ ସିକ୍ରେଟ-୧୧ ୮ ଉଇକେଟ ବିନିମୟରେ ୯୪ ରନଂ ସଂଗ୍ରହ କରି ବିଜୟୀ ହୋଇଥିଲେ ।
ସେହିପରି ଦ୍ୱିତୀୟ ମ୍ୟାଚ ଉଇଣ୍ଟାର ଫିଟନେସ୍ ବନାମ ଫୁ୍ୟଚାର(Future-11)-୧୧ ମଧ୍ୟରେ ହୋଇଥିଲା । ଫୁ୍ୟଚାର(Future-11)-୧୧ ଟସ ଜିତି ୧୩ ଓଭରରେ ସମସ୍ତ ଉଇକେଟ ହରାଇ ମାତ୍ର ୫୮ ରନ୍ କରିଥିଲେ । ଏହାପରେ ଉଇଣ୍ଟାର ଫିଟନେସ୍ ୫୯ ରନର ଲକ୍ଷ ନେଇ ପଡ଼ିଆକୁ ଉହ୍ଲାଇ ୫ ଉଇକେଟ ହରାଇ ବିଜୟୀ ହୋଇଥିଲେ । ଆଜିର ଏହି ଟୁର୍ଣ୍ଣାମେଣ୍ଟରେ ଦିଲ୍ଲୀପ ଦାସ, ଅମିତାଭ ପଟ୍ଟନାୟକ ଆମ୍ପେୟାର ଭବେ ଓ ସରୋଜ ମହାକୁଡ଼ ମ୍ୟାଚକୁ ପରିଚାଳନା କରିଥିଲେ ।
