ଅଜବ ପ୍ରେମ : ଭିଡିଓ କଲରେ ଦିଅର-ଭାଉଜଙ୍କ ଆତ୍ମହତ୍ୟା
ଅଜବ ପ୍ରେମ : ଭିଡିଓ କଲରେ ଦିଅର-ଭାଉଜଙ୍କ ଆତ୍ମହତ୍ୟା
admin
4824
ବସ୍ତା: ଦିଅର-ଭାଉଜ ପରି ପବିତ୍ର ସମ୍ପର୍କକୁ ଭୁଲି ଦୁହେଁ ପ୍ରେମରେ ଅନ୍ଧ ହୋଇ ଯାଇଥିଲେ । ପରିବାର ଲୋକ ବୁଝାଇ ପାରିଲେନି । ସେମାନଙ୍କୁ ଅଲଗା କରିବାକୁ ଚେଷ୍ଟା କଲେ । ହେଲେ କିଛି ଫଳ ମିଳିଲାନି । ଶେଷରେ ବିରହ ସହି ନ ପାରି ସେମାନେ ଜୀବନ ହାରିଛନ୍ତି । ଭିଡିଓ କଲ କରି ଦୁହେଁ ଦୁହିଁଙ୍କ ଆଗରେ ଫାଶୀ ଲଗାଇଛନ୍ତି । ବାଲେଶ୍ୱର ଜିଲ୍ଲା ବସ୍ତା ଥାନା ଅଧୀନ ମୂଳିଦା ବଜାରର ମାନସ କୁମାର ସିଂହ (୨୯) ପୁନେର ଏକ କମ୍ପାନୀରେ କାମ କରନ୍ତି । ପତ୍ନୀ ବର୍ଷା (୨୬) ମଧ୍ୟ ତାଙ୍କ ପାଖରେ ପୁନେରେ ରହନ୍ତି । ତେବେ କିଛି ମାସ ତଳେ ବର୍ଷା ଶାଶୂ ଘରକୁ ଆସିଥିଲେ । ହେଲେ କରୋନା ଯୋଗୁ ସେ ଆଉ ପୁନେ ଫେରି ପାରିନଥିଲେ । ତେବେ ସେ ଶାଶୂଘରେ ୮ ମାସ ରହିବା ଭିତରେ ମାସସଙ୍କ ଦାଦା ପୁଅ ଭାଇ ରାକେଶ (୨୬)ଙ୍କ ସହ ତାଙ୍କର ପ୍ରେମ ସମ୍ପର୍କ ଗଢ଼ି ଉଠିଥିଲା । ପରିବାର ଲୋକ ଏହା ଜାଣିବା ପରେ ଦୁହିଁଙ୍କୁ ବୁଝାଇଥିଲେ । ସବୁଥିରେ ବିଫଳ ହେବା ପରେ ସେମାନେ ପୁନେର ଏକ କମ୍ପାନୀ ସହ ଯୋଗଯୋଗ କରିଥିଲେ ଏବଂ ସେଠାରେ କାମ କରିବା ପାଇଁ ରାକେଶଙ୍କୁ ପଠାଇ ଦିଆଯାଇଥିଲା । ଇଚ୍ଛା ନଥଥାଇ ବି ରାକେଶ ପୁନେ ଯାଇଥିଲେ । ତେବେ ବର୍ଷା ଓ ରାକେଶ ଅଲଗା ହୋଇଥିଲେ ମଧ୍ୟ ପ୍ରେମ କମି ନଥିଲା । ଦେଖାସାକ୍ଷାତ ନ ହେଲେ ବି ଦିଅର ଭାଉଜ ଫୋନରେ ଗପସପ କରୁଥିଲେ । ଧୀରେ ଧୀରେ ବିଚ୍ଛେଦ ଉଭୟଙ୍କ ପାଇଁ ଅସହ୍ୟ ହୋଇଗଲା । ସେମାନେ ଏକାସାଙ୍ଗରେ ରହି ନ ପାରିଲେ, ଏକାସାଙ୍ଗରେ ମରିବା ପାଇଁ ନିଷ୍ପତ୍ତି ନେଇଗଲେ । ବିଳମ୍ବିତ ରାତିରେ ଉଭୟ ଭିଡିଓ କଲ କରି ଦୁହେଁ ଦୁହିଁଙ୍କ ଆଗରେ ଫାଶୀ ଲଗାଇ ଦେଇଥିଲେ । ପରିବାର ଲୋକ ଜାଣିବା ପରେ ବର୍ଷାଙ୍କୁ ଉଦ୍ଧାର କରି ବସ୍ତା ଡାକ୍ତରଖାନାକୁ ନେଇଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଥାନାରେ ଏକ ଅପମୃତୁ୍ୟ ମାମଲା ରୁଜୁ ହୋଇଛି ।
