ଅନୁଷ୍କାଙ୍କ ବିରୋଧରେ ଅଭିଯୋଗ
ଅନୁଷ୍କାଙ୍କ ବିରୋଧରେ ଅଭିଯୋଗ
admin
5113
ୱେବ ସିରିଜ ‘ପାତାଳ ଲୋକ’ ଜରିଆରେ ସିନେ ଅଭିନେତ୍ରୀ ଅନୁଷ୍କା ଶର୍ମା, ଗୋର୍ଖା ସମ୍ପ୍ରଦାୟ ବିରୋଧରେ ଆପତ୍ତିଜନକ ମନ୍ତବ୍ୟ ଦେଇଥିବାରୁ ‘ଦି ଅଲ ଅରୁଣାଚଳ ପ୍ରଦେଶ ଗୋର୍ଖା ୟୁଥ ଆସୋସିଏସନ’ ଜାତୀୟ ମାନବାଧିକାର କମିସନଙ୍କ ନିକଟରେ ତାଙ୍କ ବିରୋଧରେ ଅଭିଯୋଗ କରିଛି । ସୂଚନା ଯୋଗ୍ୟ ଅନୁଷ୍କା ହେଉଛନ୍ତି ୱେବ ସିରିଜ ପାତାଳଲୋକ ର ପ୍ରଯୋଜିକା ଏବଂ ସେ ଏଥିରେ ଅଭିନୟ ମଧ୍ୟ କରିଛନ୍ତି । ‘ଭାରତୀୟ ଗୋର୍ଖା ଯୁବ ସଂଗଠନ’ ଅନୁଷ୍କାଙ୍କ ବିରୋଧରେ ଅନଲାଇନ ପ୍ରତିବାଦକୁ ତୀବ୍ର କରିଛି । ମେଘାଳୟରେ ଫାସି ସମ୍ପ୍ରଦାୟର ମହିଳାଙ୍କୁ ନେଇ ଅନୁଷ୍କାଙ୍କ ଆପତ୍ତିଜନକ ଅଭିନୟ କରିଥିବା ଗୋର୍ଖା ସଂଗଠନ ଦର୍ଶାଇଛି । ଅନୁଷ୍କା କ୍ଷମା ନ ମାଗିବା ପର୍ଯ୍ୟନ୍ତ ତାଙ୍କ ବିରୋଧରେ ସମଗ୍ର ଗୋର୍ଖା ସମ୍ପ୍ରଦାୟ ଏକଜୁଟ ହୋଇ ପ୍ରତିବାଦ କରିବ ବୋଲି ‘ଭାରତୀୟ ଗୋର୍ଖା ଯୁବ ସଂଗଠନ’ ର ସଭାପତି ନନ୍ଦ କୀରତି ଦେୱାନ ଚେତାବନୀ ଦେଇଛନ୍ତି । ସେହିଭଳି ଅନୁଷ୍କାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଦେୱାନ ସୂଚନା ଦେଇଛନ୍ତି ।
