ଅଫିସ ସିଲ ପାଇଁ ବିଏମସି ନୁହେଁ ସରକାର ଦାୟୀ : ଅପରାଜିତା
ଅଫିସ ସିଲ ପାଇଁ ବିଏମସି ନୁହେଁ ସରକାର ଦାୟୀ : ଅପରାଜିତା
admin
6489
ଭୁବନେଶ୍ୱର : ମୋର ଅଫିସ ବେଆଇନ ଭାବେ ସିଲ କରାଯାଇଛି । ତେବେ ଏଥିପାଇଁ ସେ ବିଏମସିକୁ ଦାୟୀ କରିବେ ନାହିଁ । ଏଥିପାଇଁ ସରକାର ଦାୟୀ । ଅଫିସ ସିଲ ଯୋଗୁଁ ତାଙ୍କର ଆର୍ଥିକ କ୍ଷତି ଘଟିଛି, ସେ ମାନସିକ ନିର୍ଯ୍ୟାତନା ଭୋଗିଛନ୍ତି । ଏନେଇ ସେ କୋର୍ଟ ଯିବା ପାଇଁ ଚିନ୍ତା କରୁଛନ୍ତି ବୋଲି ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ କହିଛନ୍ତି । ଅପରାଜିତା କହିଛନ୍ତିଯେ, ତାଙ୍କର ଅଫିସ ସିଲ କରିବା ସଂପୂର୍ଣ୍ଣ ବେଆଇନ । କୋଭିଡ଼ ମହାମାରୀ ନେଇ ଯେଉଁ ଗାଇଡ଼ଲାଇନ ରହିଛି ଏହା ତାହାର ଉଲ୍ଳଂଘନ କରୁଛି । ଏନେଇ ସେ ବିଏମସି କମିଶନରଙ୍କୁ ଚିଠି ଲେଖି ଅବଗତ କରାଇଛନ୍ତି । ଅଫିସ ସିଲ ଯୋଗୁଁ ତାଙ୍କର ଆର୍ଥିକ କ୍ଷତି ହୋଇଛି । ଅନ୍ୟ ସ୍ଥାନକୁ ଯିବାକୁ ପଡ଼ିବାରୁ ତାଙ୍କର ଜଣେ ସହଯୋଗୀ ଅସୁସ୍ଥ ହୋଇପଡ଼ିଛନ୍ତି । ତାଙ୍କର ସମ୍ମାନ ବି ହାନି ହୋଇଛି । ଏନେଇ ସେ କୋର୍ଟକୁ ଯିବାକୁ ଚିନ୍ତା କରୁଛନ୍ତି ବୋଲି ବି ଅପରାଜିତା କହିଛନ୍ତି । ଅପରପକ୍ଷରେ ତାଙ୍କର ଅଫିସ ସିଲ ପାଇଁ ସେ ବିଏମସିକୁ ଦାୟୀ କରିବେ ନାହିଁ । ସେ ଜଣେ ସରକାରୀ ଅଫିସର ଥିଲେ । ଏତେବଡ଼ ନିଷ୍ପତି ନେବା ପାଇଁ କେଉଁଠାରୁ ନିଦେ୍ର୍ଧଶ ଆସିଛି ସେ ଜାଣିଛନ୍ତି ବୋଲି ଅପରାଜିତା କହିଛନ୍ତି ।
