ଆଜିଠୁ ବାୟୁସେନାର ଶକ୍ତି ବଢାଇବ 8 ଆପାଚେ ହେଲିକପ୍ଟର
ଆଜିଠୁ ବାୟୁସେନାର ଶକ୍ତି ବଢାଇବ 8 ଆପାଚେ ହେଲିକପ୍ଟର
admin
3067
ନୂଆଦିଲ୍ଲୀ: ଭାରତୀୟ ବାୟୁସେନାରେ ସାମିଲ ହେଲା ୮ଟି ଆପାଚି ହେଲିକପ୍ଟର । ପଠାନକୋଟ ଏୟାରବେସରେ ଏହି ଆପାଚି ହେଲିକପ୍ଟର ସାମିଏ ହୋଇଛି । ବାୟୁସେନା ମୁଖ୍ୟ ବି.ଏସ ଧାନୋଆଙ୍କ ଉପସ୍ଥିତିରେ ଏହା ସାମିଲ ହୋଇଛି । ଆପାଚି ଏଏଚ-୬୪ଇ ହେଲିକପ୍ଟର ଆମେରିକାରେ ନିର୍ମିତ ହୋଇଛି ।
ଏହି ହେଲିକପ୍ଟର ଭାରତୀୟ ବାୟୁସେନାକୁ ଆହୁରି ଶକ୍ତିଶାଳୀ କରିବ । ଆକାଶପଥରୁ ଆଖି ପିଛୁଳାକେ ଟାର୍ଗେଟକୁ ଧ୍ୱଂସ କରିପାରୁଥିବା ଏହି ହେଲିକପ୍ଟର ଶତ୍ରୁ ଶିବିରରେ ଭୟ ସୃଷ୍ଟି କରିବାକୁ ଯଥେଷ୍ଟ । ଟ୍ୟାଙ୍କ୍, ଗାଡିକୁ ଧ୍ୱଂସ କରିବାରେ ମାହିର ଥିବା ଆପାଚେ ପୂରା ବିଶ୍ୱରେ ବିଧ୍ୱଂସକାରୀ ହେଲିକପ୍ଟର ଭାବେ ଜଣାଶୁଣା ।
ଏହି ହେଲିକପ୍ଟରରେ ୩୦ ଏମଏମ ମେଶିନଗନ ସଂଯୁକ୍ତ ରହିଛି । ଯେଉଁଥିରୁ ଗୋଟିଏ ଥରରେ ୧୨୦୦ ରାଉଣ୍ଡ ପର୍ୟ୍ୟନ୍ତ ଗୁଳି ଚଳାଇ ଯାଇପାରିବ । ଏହାଛଡା ଏଥିରେ ଆଣ୍ଟି ଟ୍ୟାଙ୍କ୍ ହେଲଫାୟାର ମିସାଇଲ ରହିଛି ଯାହା ଶତ୍ରୁ ପକ୍ଷର ଟ୍ୟାଙ୍କକୁ ଥରକେ ନଷ୍ଟ କରିବାକୁ ସକ୍ଷମ । ୧୫୦ ନଟିକାଲ ମିଲ ବେଗରେ ଉଡାଣ ଭରୁଥିବା ଏହି ଅପାଚେ ହେଲିକପ୍ଟରରେ ହାଇଡ୍ରା ଅନଗାଇଡେଡ ରକେଟ ମଧ୍ୟ ରହିଛି । ଯାହା ସ୍ଥଳଭାଗରେ ଥିବା ଟାର୍ଗେଟକୁ ବେଶ ସହଜରେ ଧ୍ୱଂସ କରିଥାଏ ।
