ଓଡ଼ିଶାରେ ପଜିଟିଭିଟି ରେଟ୍ ଜାତୀୟ ହାରଠାରୁ କମ୍ ରହିଛି : ସ୍ବାସ୍ଥ୍ୟ ସଚିବ
ଓଡ଼ିଶାରେ ପଜିଟିଭିଟି ରେଟ୍ ଜାତୀୟ ହାରଠାରୁ କମ୍ ରହିଛି : ସ୍ବାସ୍ଥ୍ୟ ସଚିବ
admin
4354
କରୋନା ଅପଡେଟ୍ ନେଇ ସ୍ବାସ୍ଥ୍ୟ ସଚିବ ରାଜେଶ ଭୂଷଣ ସୂଚନା ଦେଇଛନ୍ତି । ଦେଶରେ ୧୪ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ଆକ୍ଟିଭ୍ କେସ୍ ୫ ହଜାରରୁ କମ୍ ରହିଛି । ୧୮ଟି ରାଜ୍ୟରେ ଆକ୍ଟିଭ୍ କେସ୍ ସଂଖ୍ୟା ୫ରୁ ୫୦ ହଜାର ମଧ୍ୟରେ ରହିଛି । କେବଳ ୪ଟି ରାଜ୍ୟରେ ୫୦ ହଜାରରୁ ଅଧିକ ଆକ୍ଟିଭ୍ କେସ୍ ରହିଛି । ସେହିପରି ମୋଟ୍ ଆକ୍ଟିଭ୍ କେସ୍ର ୬୦ ପ୍ରତିଶତ ୫ ରାଜ୍ୟରେ ରହିଛନ୍ତି । ସବୁଠୁ ଅଧିକ କ୍ଷତିଗ୍ରସ୍ତ ରାଜ୍ୟ ଭାବେ ମହାରାଷ୍ଟ୍ର ରହିଛି । ଏଠାରେ ସର୍ବାଧିକ ଆକ୍ଟିଭ୍ କେସ୍ ୨୯.୫ ପ୍ରତିଶତ ରହିଛି । ମହାରାଷ୍ଟ୍ରରେ ସର୍ବାଧିକ ଦୈନିକ ହାରାହାରି ୪୦୯ ଆକ୍ରାନ୍ତଙ୍କ ମୃତ୍ୟୁ ଘଟୁଛି । ତେବେ ତାମିଲନାଡୁରେ ଆକ୍ରାନ୍ତ ଓ ମୃତ୍ୟୁ ସଂଖ୍ୟା କମୁଥିବାର ଦେଖାଯାଇଛି । ପ୍ରତି ନିୟୁତରେ ଭାରତରେ ମୃତ୍ୟୁ ସଂଖ୍ୟା ୫୮ ରହିଛି । ସେହିପରି ଓଡ଼ିଶାରେ ପଜିଟିଭିଟି ରେଟ୍ ଜାତୀୟ ହାରଠାରୁ କମ୍ ରହିଛି । ଓଡ଼ିଶା ବ୍ୟତୀତ ପଶ୍ଚିମବଙ୍ଗ, ଗୁଜୁରାଟରେ ମଧ୍ୟ ପଜିଟିଭିଟି ହାର ଜାତୀୟ ହାରଠାରୁ କମ୍ ରହିଛି । ଦେଶରେ ପଜିଟିଭିଟି ହାର ୮.୪% ରହିଥିବାବେଳେ ଓଡ଼ିଶାରେ ଏହି ହାର ୬.୨% ରହିଛି ବୋଲି ସୂଚନା ଦେଇଛନ୍ତି ସ୍ବାସ୍ଥ୍ୟ ସଚିବ ।
