କରୋନା ଉପରେ ୯୨ ପ୍ରତିଶତ ଫଳପ୍ରଦ ସ୍ପୁଟନିକ-ଭି!
କରୋନା ଉପରେ ୯୨ ପ୍ରତିଶତ ଫଳପ୍ରଦ ସ୍ପୁଟନିକ-ଭି!
admin
6359
ମସ୍କୋ : ଋଷ ପକ୍ଷରୁ ବିକଶିତ କରାଯାଇଥିବା କରୋନା ଟୀକା ୯୨ ପ୍ରତିଶତ ଫଳପ୍ରଦ ବୋଲି ଋଷ ପକ୍ଷରୁ ଦାବି କରାଯାଇଛି । ତୃତୀୟ ପର୍ଯ୍ୟାୟ ପରୀକ୍ଷଣ ପରେ ଏହି ତଥ୍ୟ ସାମ୍ନାକୁ ଆସିଥିବା ନେଇ ମସ୍କୋ ପକ୍ଷରୁ କୁହାଯାଇଛି । ଗାମାଲେୟା ଇନଷ୍ଟିଚ୍ୟୁଟ ପକ୍ଷରୁ ବିକଶିତ ଏହି ଟୀକାକୁ ତୃତୀୟ ପର୍ଯ୍ୟାୟ ପରୀକ୍ଷଣ ପୂର୍ବରୁ ବ୍ୟବହାରିକ ଅନୁମତି ପ୍ରଦାନ କରିଥିଲା ଋଷ । ସେତେବେଳେ ଏହାକୁ ନେଇ ବିବାଦ ମଧ୍ୟ ଦେଖା ଦେଇଥିଲା । ୬୬ ପ୍ରତିଶତ ଋଷ ସ୍ୱାସ୍ଥ୍ୟକର୍ମୀ ଟୀକାର ବିଶ୍ୱସନୀୟତା ଉପରେ ପ୍ରଶ୍ନବାଚୀ ଉଠାଇଥିଲେ ।
ଏହାପରେ ୪୦ ହଜାର ସ୍ୱେଚ୍ଛାସେବୀଙ୍କୁ ନେଇ ଋଷ ପକ୍ଷରୁ ଟୀକା ଉପରେ ଅଧିକ ପରୀକ୍ଷଣ କରାଯାଇଥିଲା । ଏହି ପରୀକ୍ଷଣ ପରେ ଏହି ଟୀକା କରୋନା ଉପରେ ୯୨ ପ୍ରତିଶତ ଫଳପ୍ରଦ ବୋଲି ତଥ୍ୟ ପ୍ରକାଶ ପାଇଛି । ବୁଧବାର ମସ୍କୋ ପକ୍ଷରୁ ଏହି ସୂଚନା ପ୍ରକାଶ କରାଯାଇଛି । ବେଲାଋଷ, ୟୁଏଇ , ଭେନେଜୁଏଲା ସମେତ ଭାରତର ବିଭିନ୍ନ ସ୍ଥାନରେ ସ୍ପୁଟନିକ-ଭିର ପରୀକ୍ଷଣ କରାଯାଇଛି । ଅଗଷ୍ଟ ୧୧ ତାରିଖରେ ଋଷ ପକ୍ଷରୁ ଏହି ଟୀକାର ବ୍ୟବହାର ଆରମ୍ଭ କରାଯାଇଥିବା ବେଳେ ଡକ୍ଟର ରେଡ୍ଡୀ ଏହି ଟୀକାର ୧୦ କୋଟି ଡୋସେଜ କ୍ରୟ କରିବା ପାଇଁ ଅଗ୍ରୀମ ଚୁକ୍ତି କରିସାରିଛି । ଉଲ୍ଲେଖଯୋଗ୍ୟ ଯେ, ଦୁଇ ଦିନ ପୂର୍ବରୁ ଆମେରିକୀୟ କମ୍ପାନୀ ଫାଇଜର ଏହାର ଟୀକା ୯୦ ପ୍ରତିଶତ ଫଳପ୍ରଦ ବୋଲି ସୂଚନା ପ୍ରଦାନ କରିଥିଲା ।
