କଟକ ଆଇଟିଏଟି ଉଦ୍ଘାଟନ କଲେ ପ୍ରଧାନମନ୍ତ୍ରୀ
କଟକ ଆଇଟିଏଟି ଉଦ୍ଘାଟନ କଲେ ପ୍ରଧାନମନ୍ତ୍ରୀ
admin
6235
ଭୁବନେଶ୍ୱର: କଟକ ଆୟକର ଆପିଲେଟ ଟ୍ରିବ୍ୟୁନାଲ ନୂଆ ଭବନର ଉଦଘାଟନ ହୋଇଯାଇଛି । ଭିଡିଓ କନଫରେନ୍ସିଂ ଜରିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାର ଉଦଘାଟନ କରିଛନ୍ତି । ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ଆଇନ ମନ୍ତ୍ରୀ ରବି ଶଙ୍କର ପ୍ରସାଦ ସାମିଲ ହୋଇଥିଲେ । ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହ ବହୁ ବିଷିଷ୍ଟ ବ୍ୟକ୍ତି ମଧ୍ୟ ସାମିଲ ହୋଇଥିଲେ । ହାଇକୋର୍ଟ ମୁଖ୍ୟ ବିଚାରପତି ମଧ୍ୟ ଏଥିରେ ସାମିଲ ହୋଇଥିଲେ । ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି ଦେଶରେ ଟିକସ ସଂସ୍କାର ଲାଗୁ କରିବା କ୍ଷେତ୍ରରେ ସରକାର ଅଗ୍ରାଧିକାର ଦେଉଛନ୍ତି।ଆୟକର ଆପିଲେଟ ଟ୍ରିବ୍ୟୁନାଲରେ ଅଧିକ ଈ-ଶୁଣାଣି କରିବାକୁ ସେ ପରାମର୍ଶ ଦେଇଛନ୍ତି। ନ୍ୟାୟ ସ୍ବରାଜର ମୂଳମନ୍ତ୍ର ବୋଲି ସେ କହିଛନ୍ତି। ବିଚାର ବିଭାଗ ଓ ନ୍ୟାୟ ପାଳିକାରେ ଟେକ୍ନୋଲୋଜିର ବହୁଳ ବ୍ୟବହାର ଉପରେ ପ୍ରଧାନମନ୍ତ୍ରୀ ଗୁରୁତ୍ବାରୋପ କରିଛନ୍ତି। 1.60 ଏକର ବିଶିଷ୍ଟ ପରିସରରେ ନିର୍ମିତ ହୋଇଥିବା ଏହି ଟ୍ରିବ୍ୟୁନାଲ କାର୍ଯ୍ୟାଳୟ ସଂଖ୍ୟା କଟକ ସମେତ 65କୁ ବୃଦ୍ଧି ପାଇଛି । କଟକ ବେଂଚ ପୂର୍ବ ଭାରତ ଟିକସଦାତାଙ୍କୁ ସୁବିଧା ଦେଇପାରିବ ବୋଲି ମୋଦି କହିଛନ୍ତି । ନୂଆ ଅଟ୍ଟାଳିକାରେ ଉନ୍ନତ ସଂଚାର ବ୍ୟବସ୍ଥା ସହିତ ଇ-କୋର୍ଟ ସୁବିଧା ରହିଛି।
