କରୋନା ପାଇଁ ପ୍ୟାରିସରେ ଜାରି ହେଲା ନୂଆ ନିୟମ
କରୋନା ପାଇଁ ପ୍ୟାରିସରେ ଜାରି ହେଲା ନୂଆ ନିୟମ
admin
4878
ଫ୍ରାନ୍ସର ଅନ୍ୟତମ ପ୍ରମୁଖ ସ୍ଥଳ ଭାବେ ଜଣାଯାଉଥିବା ପ୍ୟାରିସ ସହର ମଧ୍ୟ କରୋନା କବଳରୁ ବର୍ତ୍ତିନାହିଁ । ପର୍ଯ୍ୟଟକଙ୍କର ପ୍ରିୟ ପ୍ୟାରିସ ଆଜି ଜନଶୂନ୍ୟ ହୋଇଯାଇଛି । ଲୋକେ କାଁ ଭାଁ ଘରୁ ବାହାରୁଛନ୍ତି, ତେବେ ଅନ୍ୟ ପ୍ରାନ୍ତ ତୁଳନାରେ ପ୍ୟାରିସ ଲୋକ ନିଜ ସ୍ୱାସ୍ଥ୍ୟ ସଚେତନତାକୁ ନେଇ ଖୁବ ସତର୍କ । ଏଣୁ ପ୍ରତ୍ୟହ ସକାଳ ଓ ସନ୍ଧ୍ୟାରେ ସେମାନେ ଘରୁ ବାହାରକୁ ଆସି ବ୍ୟାୟାମ କରନ୍ତି । ଏଇ ଲକଡାଉନ ସମୟରେ ମଧ୍ୟ ସେଠା ଲୋକେ ମାସ୍କ ଗ୍ଲୋଭସ ପିନ୍ଧି ରାସ୍ତାରେ ପ୍ରାୟତଃ ସାନ୍ଧ୍ୟ ଭ୍ରମଣ ସହ ପାର୍କରେ ବ୍ୟାୟାମ କରୁଥିଲେ । ସେମାନେ ସାମାଜିକ ଦୂରତାରେ କୌଣସି ଅବହେଳା କରୁନଥିବାର ଦେଖାଯାଇଥିଲା । ଏହା ସତ୍ତ୍ୱେ ସେଠା ପ୍ରଶାସନ ଏବେ ଘର ବାହାରେ ବ୍ୟାୟାମ ନେଇ କଡ଼ା ନିୟମ ପ୍ରଣୟନ କରିଛନ୍ତି । ଯାହାକୁ ନେଇ ଅଧିକାଂଶ ଅସନ୍ତୋଷ ବ୍ୟକ୍ତ କରିଛନ୍ତି । ପ୍ରଶାସନ ମୁଖ୍ୟଙ୍କ ବାର୍ତ୍ତା ଅନୁସାରେ ଆପଣ ଘର ବାଲକୋନିକୁ ମଧ୍ୟ ଆସନ୍ତୁ ନାହିଁ । ବରଂ ଘର ଭିତରେ ରହି ବ୍ୟାୟାମ ଯୋଗ କରିପାରିବେ । ଲୋକେ କିନ୍ତୁ ଲକଡାଉନରେ ଅତିଷ୍ଠ ହୋଇଗଲେଣି । ଏଣୁ ପ୍ରାତଃ ଭ୍ରମଣ ସମୟରେ କିଛି ସମୟ ବାହାରେ ସ୍ଥିତିକୁ ଦେଖୁଥିଲେ । ବର୍ତ୍ତମାନ ସମୟରେ କରୋନା କବଳରୁ ରକ୍ଷା ପାଇବାକୁ ହେଲେ ଘର ହିଁ ସବୁଠୁ ସୁରକ୍ଷିତ ସ୍ଥାନ ବୋଲି ପ୍ରଶାସନ ମୁଖ୍ୟ କଡ଼ା ନିର୍ଦ୍ଦେଶ ଦେଇଛନ୍ତି ।
