ଗତକାଲି ଶତପ୍ରତିଶତ ଟିକାକରଣ
ଗତକାଲି ଶତପ୍ରତିଶତ ଟିକାକରଣ
admin
4505
ଭୁବନେଶ୍ୱର: ଗତକାଲି ଧାର୍ଯ୍ୟ ଲକ୍ଷ୍ୟର ଶତପ୍ରତିଶତ ଟିକାକରଣ ହୋଇଛି । ଏନେଇ ସୂଚନା ଦେଇଛନ୍ତି ପରିବାର କଲ୍ୟାଣ ନିଦେ୍ର୍ଧଶକ ବିଜୟ ପାଣିଗ୍ରାହୀ ।
ସେ କହିଛନ୍ତି ଯେ, ଗତକାଲି ୧୩ଟି ଜିଲ୍ଲାରେ ଶତପ୍ରତିଶତ ଟିକାକରଣ ହୋଇଛି । ଗତକାଲି ୩ ଜଣଙ୍କର ସାମାନ୍ୟ ପାଶ୍ୱର୍ ପ୍ରତିକ୍ରିୟା ଦେଖା ଦେଇଥିଲା । ବୁଧବାର ୯୨ଟି କେନ୍ଦ୍ରରେ ୮ ହଜାର ୭୪୪ ଜଣଙ୍କୁ ଟିକାକରଣ ଲକ୍ଷ୍ୟ ରହିଛି । ଟିକାକରଣ ପାଇଁ ରାଜ୍ୟରେ ପୁଣି ୨୫ ଲକ୍ଷ ସିରିଞ୍ଜ ପହଞ୍ଚିଛି । ମଙ୍ଗଳବାର ଆସିଥିବା କୋଭିସିଲଡ ଟିକା ୨/୩ ଦିନରେ ବିଭିନ୍ନ ଜିଲ୍ଲାକୁ ପଠାଯିବ ବୋଲି ପରିବାର କଲ୍ୟାଣ ନିଦେ୍ର୍ଧଶକ ବିଜୟ ପାଣିଗ୍ରାହୀ ସୂଚନା ଦେଇଛନ୍ତି ।
ପ୍ରକଶ ଯେ, ସୋମବାର ମଧ୍ୟ ଟିକାକରଣରେ ୧୦୨ ପ୍ରତିଶତ ସଫଳତା ମିଳିଥିଲା । ସୋମବାର ୩୭୫ଟି ସେସନ୍ସ ଥିଲା ଓ ମଙ୍ଗଳବାର ୧୯୨ଟି ସେସନ୍ସରେ ଟିକାକରଣ କରାଯାଇଥିଲା । ସୋମବାର ୩୨ ହଜାର ୫୨୬ଜଣଙ୍କୁ ଟିକା ଦିଆଯାଇଥିଲା । ମଙ୍ଗଳବାର ୧୬ ହଜାର ୨୬୧ଜଣଙ୍କୁ ଟିକାକରଣ ଲକ୍ଷ୍ୟ ରଖାଯାଇଥିଲା ବୋଲି ଶ୍ରୀ ପାଣିଗ୍ରାହୀ ମଙ୍ଗଳବାର କହିଥିଲେ ।
ଅନ୍ୟପକ୍ଷେରେ ପ୍ରଥମ ପର୍ଯ୍ୟାୟରେ ଚିହ୍ନଟ ସ୍ୱାସ୍ଥ୍ୟକର୍ମୀଙ୍କ ପାଇଁ ଟିକା ଉପଲବ୍ଧ । ଯେତିକି ଆସିଛି ତାହା ସ୍ୱାସ୍ଥ୍ୟକର୍ମୀଙ୍କ ପାଇଁ ୨ଟି ଡୋଜ ହିସାବରେ ପର୍ଯ୍ୟାପ୍ତ । ସମସ୍ତ ସ୍ୱାସ୍ଥ୍ୟକର୍ମୀଙ୍କୁ ଅନୁରୋଧ, ଆଗକୁ ଆସି ଟିକା ନିଅନ୍ତୁ । ଅନୁପସ୍ଥିତ ରହିଲେ ମିଳିବ, କିନ୍ତୁ ମନାକଲେ ଆଉ ମାଗଣା ଟିକା ମିଳିବ ନାହିଁ ପରିବାର କଲ୍ୟାଣ ନିଦେ୍ର୍ଧଶକ ବିଜୟ ପାଣିଗ୍ରାହୀ ସୂଚନା ଦେଇଥିଲେ ।
