ଗତବଷ କରୋନା ମହାମାରୀର ପ୍ରଥମ ଲହରି ଯୋଗୁଁ ଭାରତରେ ୩ କୋଟି ମଧ୍ୟବିତ୍ତ ହେଲେ ଗରିବ
ଗତବଷ କରୋନା ମହାମାରୀର ପ୍ରଥମ ଲହରି ଯୋଗୁଁ ଭାରତରେ ୩ କୋଟି ମଧ୍ୟବିତ୍ତ ହେଲେ ଗରିବ
admin
5916
ଗତବଷ କରୋନା ମହାମାରୀର ପ୍ରଥମ ଲହରି ଯୋଗୁଁ ଭାରତରେ ପାଖାପାଖି ୩ କୋଟି ୨୦ ଲକ୍ଷ ମଧ୍ୟବିତ୍ତ ଶ୍ରେଣୀ ଲୋକ ଦରିଦ୍ର ପାଲଟିଛନ୍ତି । ଏହି ସମୟରେ ବିଶ୍ୱରେ ପାଖାପାଖି ୫ କୋଟି ୪୦ ଲକ୍ଷ ଲୋକ ମଧ୍ୟବିତ୍ତରୁ ବାହାରି ଗରିବ ହୋଇଥିବା ପୁ୍ୟ ରିସର୍ଚ୍ଚ ସେଣ୍ଟର ପକ୍ଷରୁ ପ୍ରକାଶିତ ରିପୋର୍ଟରୁ ଜଣାପଡ଼ିଛି । ଏବେ ଦ୍ୱିତୀୟ ଲହରି ସାଂଘାତିକ ରୂପ ନେଇଥିବାରୁ ଆହୁରି ଅନେକ ଲୋକ ମଧ୍ୟବିତ୍ତରୁ ଗରିବ ତାଲିକାରେ ସାମିଲ ହେବେ ବୋଲି ଆଶଙ୍କା କରାଯାଉଛି । ସିଏମଆର ତଥ୍ୟ ମୁତାବକ ପ୍ରଥମ ଲହରିରେ ଉଭୟ ସଂଗଠିତ ଓ ଅସଂଗଠିତ କ୍ଷେତ୍ରରେ ପାଖାପାଖି ୧୨ କୋଟି ଲୋକ ଜୀବିକାଶୂନ୍ୟ ପାଲଟିଥିଲେ । ଏମାନଙ୍କ ମଧ୍ୟରୁ ୨ କୋଟି ବିଭିନ୍ନ ସଂସ୍ଥାରେ ଚାକିରି କରୁଥିଲା ବେଳେ ବାକି ସମସ୍ତେ ଶ୍ରମିକ ଥିଲେ । ଏବେ ଦ୍ୱିତୀୟ ଲହରିରେ ପ୍ରତିଦିନ ସାଢେ଼ ଦୁଇ ଲକ୍ଷରୁ ଅଧିକ ଲୋକ କରୋନା ଅାଁକୁ ଆସୁଛନ୍ତି । ଏହାକୁ ଦୃଷ୍ଟିରେ ରଖି ଅନେକ ରାଜ୍ୟ ଲକଡାଉନ ଲାଗୁ କରିଛନ୍ତି । ଫଳରେ ଶ୍ରମିକମାନେ ଉପାୟଶୂନ୍ୟ ହୋଇଛନ୍ତି ।
