ଜୁନ୍ ୨୨ ସୁଦ୍ଧା ରଥ କାମ ଶେଷ କରିବା ପାଇଁ ହାଇକୋର୍ଟଙ୍କ ନିର୍ଦ୍ଦେଶ
ଜୁନ୍ ୨୨ ସୁଦ୍ଧା ରଥ କାମ ଶେଷ କରିବା ପାଇଁ ହାଇକୋର୍ଟଙ୍କ ନିର୍ଦ୍ଦେଶ
admin
6440
କରୋନା ଲକଡଉନରେ ବିଭିନ୍ନ କଳ୍ପନା ଜଳ୍ପନା ଭିତରେ ରଥ କାମ ଆରମ୍ଭ ହୋଇଛି । ବିଳମ୍ବରେ ହେଉ ପଛେ ରଥ କାମ ଆରମ୍ଭ ହୋଇ ଆଗେଇ ଚାଲିଛି । ରଥ କାମରେ ନିୟୋଜିତ ମହାରଣାଙ୍କ ସ୍ୱାସ୍ଥ୍ୟବସ୍ଥା ଯାଞ୍ଚ ଓ ସେଠାରେ ସାମାଜିକ ଦୂରତ୍ୱ ରଖାଯାଇ ରଥ କାର୍ଯ୍ୟ କରାଯାଉଛି । ତେବେ ଜୁନ ୨୨ ସୁଦ୍ଧା ରଥ ନିର୍ମାଣ କାମ ସାରିବାକୁ ହାଇକୋର୍ଟ ନିଦେ୍ର୍ଧଶ ଦେଇଛନ୍ତି । ରଥ ନିର୍ମାଣ ସମ୍ପର୍କିତ ଦାୟର ଏକ ଜନସ୍ୱାର୍ଥ ମାମଲାର ଶୁଣାଣି କରି ହାଇକୋର୍ଟ ଏହି ନିଦେ୍ର୍ଧଶ ଦେଇଛନ୍ତି । ତେବେ ରଥ ନିର୍ମାଣ କାର୍ଯ୍ୟ ଜୋରଦାର ହେଉଥିବା ଏଜି ହାଇକୋର୍ଟଙ୍କୁ ଜଣାଇଛନ୍ତି । ୨୨ ସୁଦ୍ଧା ନିର୍ମାଣ କାମ ସରି ବବୋଲି ଏଜି କୋର୍ଟଙ୍କୁ ଜଣାଇଛନ୍ତି ।
ପ୍ରକାଶ ଯେ, ରଥଯାତ୍ରା ହେବ ନା ନାହିଁ ତାହା ଆଜି ଯାଏଁ ସ୍ପଷ୍ଟ ହୋଇନାହିଁ। କିନ୍ତୁ କେନ୍ଦ୍ର ଗୃହ ମନ୍ତ୍ରାଳୟଙ୍କ ସବୁଜ ସଂକେତ ପରେ ସେବାୟତମାନେ ରଥ ନିର୍ମାଣ କାମ ଜାରି ରଖିଛନ୍ତି । ରଥ ଖଳାକୁ ଧଳା କପଡାରେ ଢାଙ୍କି, ବ୍ୟାରିକେଡ୍ କରି ରଥକାମ ସୁରୁଖୁରୁରେ ଆଗେଇ ଚାଲିଛି । ସୁରକ୍ଷାକୁ ଦୃଷ୍ଟିରେ ରଖି ରଥଖଳା ଠାରୁ ୨ଶହ ମିିଟର ଯାଏଁ ନିଷେଧାଞ୍ଚଳ ଘୋଷଣା କରାଯାଇଛି। ମହାରଣା ସେବାୟତ, ଭୋଇ ସେବାୟତ ଓ କମାର ସେବାୟତ ସେମାନଙ୍କ ରଥ ନିର୍ମାଣ କାର୍ୟ୍ୟକୁ ଯେମିତି ଜାରି ରଖିବା କଥା ସେମିତି ଜାରି ରଖିଛନ୍ତି।
