'ଜୱାନ'ରେ ନଜର ଆସିବେ ଖାନ ଶାହରୁଖଙ୍କ ସହ ନୟନତାରା
'ଜୱାନ'ରେ ନଜର ଆସିବେ ଖାନ ଶାହରୁଖଙ୍କ ସହ ନୟନତାରା
admin
ଦକ୍ଷିଣ ଭାରତୀୟ ସିନେମା ଜଗତର ଚର୍ଚ୍ଚିତ ଚେହେରା ନୟନତାରାଙ୍କୁ ଆଗକୁ କିଙ୍ଗ ଖାନ ଶାହରୁଖଙ୍କ ସହ ‘ଜୱାନ’ରେ ଦେଖିବାକୁ ମିଳିବ । ସେହି ଆକ୍ସନ ଥ୍ରିଲର ଫିଲ୍ମ ଜରିଆରେ ବଲିଉଡ଼ ଡେ଼ବ୍ୟୁ କରିବାକୁ ଯାଉଛନ୍ତି ସେ । ନିକଟରେ ଏକ ସାକ୍ଷାତକାରରେ ଇଫଲ୍ମକୁ ନେଇ ନିଜର ଆଶା ସମ୍ପର୍କରେ ନୟନତାରା ପ୍ରକାଶ କରିଛନ୍ତି । ସେ କହିଛନ୍ତି, ଶାହରୁଖ୍ ଖାନଙ୍କ ମୁଁ ଜଣେ ବଡ଼ ପ୍ରଶଂସକ । ଫିଲ୍ମ ପରଦାରେ ନିଜର ଭୂମିକା ଜୀବିତ ଭାବେ ନିର୍ବାହ କରିବାକୁ ସେ ଶତ ପ୍ରତିଶତ ଉଦ୍ୟମ କରିଥାନ୍ତି । ଏଭଳି କ୍ଷେତ୍ରରେ ତାଙ୍କସହ ଅଭିନୟ ମୋ’ କ୍ୟାରିୟରକୁ ଏକ ନୂଆ ମୋଡ଼ ଦେବ ବୋଲି ଆଶା । ଫିଲ୍ମରେ ଦର୍ଶକେ ମୋତେ ଏକ ଗୁରୁତ୍ୱପୂର୍ଣ୍ଣ ଚରିତ୍ରରେ ଦେଖିବାକୁ ପାଇବେ । ଜଣେ ପୋଲିସ ଅଧିକାରୀ ଭାବେ ମୁଁ ଅପରାଧୀଙ୍କ ବିରୋଧରେ ଆକ୍ସନ ମୋନରେ ନଜର ଆସିବି ।
‘ଜୱାନ’ରେ ନୟନତାରା, ଶାହରୁଖଙ୍କ ସହ ବିଜୟ ସେତୁପତି, ପ୍ରିୟାମଣି, ସାନ୍ୟା ମଲହୋତ୍ରା ବି ନଜର ଆସିବେ । ଶାହରୁଖଙ୍କୁ ସେଥିରେ ଦ୍ୱୈତ ଭୂମିକାରେ ଦେଖିବାକୁ ମିଳିବ । ଅଟଲି କୁମାର ଏହାର କାହାଣୀ ରଚନା କରିଛନ୍ତି । ଆସନ୍ତା ବର୍ଷ ଜୁନ ୨ ତାରିଖରେ ଫିଲ୍ମଟି ରିଲିଜ ହେବାର ଅଛି । ହିନ୍ଦୀ ବ୍ୟତୀତ ଫିଲ୍ମଟି ତାମିଲ, ତେଲଗୁ, ମାଲାୟଲମ୍ ଏବଂ କନ୍ନଡ଼ ଭାଷାରେ ମୁକ୍ତିଲାଭ କରିବ ।
