ଟ୍ରେନ ପୋଡ଼ି ଘଟଣା : ଅଭିଯୁକ୍ତକୁ ୫ ବର୍ଷ ଜେଲ
ଟ୍ରେନ ପୋଡ଼ି ଘଟଣା : ଅଭିଯୁକ୍ତକୁ ୫ ବର୍ଷ ଜେଲ
admin
4109
ପୁରୀ: ୨୦୧୫ ମସିହାରେ ପୁରୀ ରେଳ ଷ୍ଟେସନରେ ହୋଇଥିବା ଟ୍ରେନ ପୋଡ଼ି ଘଟଣାରେ ସିଜେଏମ କୋର୍ଟର ବିଚାରପତି ଡ.ଇନ୍ଦୁ ଶର୍ମା ଏକମାତ୍ର ଅଭିଯୁକ୍ତ ସୁବାସ ରାମଚନ୍ଦ୍ରନକୁ ଦୋଷୀ ସାବ୍ୟସ୍ତ କରି ୫ ବର୍ଷ ସଶ୍ରମ କାରାଦଣ୍ଡ ଆଦେଶ ଦେଇଛନ୍ତି । ଏଥିସହ ତା’ଠାରୁ ୭୫,୫୦୦ ଟଙ୍କା ଜରିମାନା ଆଦାୟ କରିବାକୁ ନିଦେ୍ର୍ଧଶ ଦେଇଛନ୍ତି । ସୂଚନା ଯୋଗ୍ୟ ୨୦୧୫ ନଭେମ୍ବର ମାସ ୧୨ ତାରିଖ ଦିନ ପୁରୀ ରେଳଷ୍ଟେସନରେ ଏକ ଟ୍ରେନ ପୋଡ଼ି ଘଟଣା ଘଟିଥିଲା । ଏହି ଘଟଣାରେ ପୁରୀ-ତିରୁପତି ଏକ୍ସପ୍ରେସ, ପୁରୀ ଦିଲ୍ଲୀ-ନନ୍ଦନକାନ ଏକ୍ସପ୍ରେସ ଓ ପୁରୀ-ହାୱଡା ଏକ୍ସପ୍ରେସ ଟ୍ରେନର ୫ଟି ବଗି ପୋଡ଼ି ନଷ୍ଟ ହୋଇଯାଇଥିଲା । କେହି ମୃତାହତ ହୋଇନଥିଲେ ମଧ୍ୟ ରେଳବାଇର ବହୁତ ବଡ଼ କ୍ଷତି ହୋଇଥିଲା । ଏଭଳି ଟ୍ରେନ ପୋଡ଼ି ଘଟଣା ପୁରୀ ରେଳ ଷ୍ଟେସନରେ ପ୍ରଥମ ଥର ପାଇଁ ଘଟିଥିଲା । ତେବେ ରେଳବାଇ ପୁଲିସ ଓ ଜିଆରପି ପୁଲିସ ମିଳିତ ଅନୁସନ୍ଧାନରେ ସୁବାସ ରାମଚନ୍ଦ୍ରନକୁ ଗିରଫ କରିଥିଲା । ଷ୍ଟେସନରେ ଲାଗିଥିବା କ୍ଲୋଜ ସର୍କିଟ କ୍ୟାମେରାରେ ଫୁଟେଜକୁ ନେଇ ସୁବାସକୁ ଗିରଫ କରିଥିଲା । ସେ ମଧ୍ୟ ଏହାକୁ ସ୍ୱୀକାର କରିବା ସହିତ ଏହି ଘଟଣାରେ ସନ୍ତ୍ରାସବାଦୀଙ୍କ ସମ୍ପୃକ୍ତି ଥିବା ବୟାନ ଦେବାରୁ ଏହି ଘଟଣାର ତଦନ୍ତ ଦାୟିତ୍ୱ ଏନଆଇଏ ନେଇଥିଲା । ମାତ୍ର ପରବର୍ତ୍ତୀ ସମୟରେ ସୁବାସର ବୟାନରେ ତାଳମେଳ ନ ରହିବାରୁ ସେ ମାନସିକ ଅନଗ୍ରସର ବୋଲି ମଧ୍ୟ ଚର୍ଚ୍ଚା ହେଉଥିଲା ।
