ତତଲା ପବନ ମାଡ଼ରେ ସିଝୁଛି ଓଡ଼ିଶା

Mar 26, 2021 - 10:15 Updated: Mar 26, 2021 - 10:15

5377

ଭୁବନେଶ୍ୱର: ତତଲା ପବନ ମାଡ଼ରେ ସିଝୁଛି ଓଡ଼ିଶା । ତାପମାତ୍ରା ହୁ ହୁ ହୋଇ ବଢ଼ୁଛି । ଟାଏଁ ଟାଏଁ ଖରାରେ ମୁଣ୍ଡ ଝାଇଁ ଝାଇଁ ହୋଇଯାଉଛି । ପଦାକୁ ବାହାରିଲେ ଦେହ ଯେମିତି ପୋଡ଼ିଲା ଭଳି ଲାଗୁଛି । ଏମିତି ଅବସ୍ଥା ଅଧା ଓଡ଼ିଶାରେ । ରାଜ୍ୟର ୯ଟି ସହରରେ ଗୁରୁବାର ତାପମାତ୍ରା ୪୦ ଡିଗ୍ରୀ ସେଲସିୟସ ଡେଇଁଛି । ସର୍ବାଧିକ ତାତି ଅନୁଭୂତ ହୋଇଛି ବୌଦ୍ଧରେ । ତାପମାତ୍ରା ୪୦.୮ ଡିଗ୍ର୍ରୀ ଛୁଇଁଛି । ଏହାକି ଦେଶର ସବୁଠୁ ଉତ୍ତପ୍ତ । ଏହା ପଛକୁ ୪୦.୪ ଡିଗ୍ରୀ ତାପମାତ୍ରା ସହ ଭୁବନେଶ୍ୱର ଓ ବୌଦ୍ଧ ସହର ଦେଶର ଦ୍ୱିତୀୟ ଉତ୍ତପ୍ତ ସହର ପାଲଟିଛି । ପାଣିପାଗ ପୂର୍ବାନୁମାନ ହେଲା ଆସନ୍ତା ଦୁଇଦିନ ପର୍ଯ୍ୟନ୍ତ ତାତିରୁ ନିସ୍ତାର ନାହିଁ । ବରଂ ଆହୁରି ତାତି ବଢ଼ିବ । ଆସନ୍ତା ଦୁଇ ଦିନ ଭିତରେ ଆଭ୍ୟନ୍ତରୀଣ ଓଡ଼ିଶାରେ ତାପମାତ୍ରା ୨-୩ ଡିଗ୍ରୀ ବଢ଼ିବ । ଅର୍ଥାତ ପାରଦ ୪୨ ରୁ ୪୩ ଡିଗ୍ରୀ ପର୍ଯ୍ୟନ୍ତ ଯାଇପାରେ ।