ଦିନିକିଆ ସିରିଜ ଜିତିଲା ଅଷ୍ଟ୍ରେଲିଆ
ଦିନିକିଆ ସିରିଜ ଜିତିଲା ଅଷ୍ଟ୍ରେଲିଆ
admin
5661
ମାଞ୍ଚେଷ୍ଟର: ଇଂଲଣ୍ଡ ଗସ୍ତରେ ଅଷ୍ଟ୍ରେଲିଆ ୨-୧ ରେ ଦିନିକିଆ ସିରିଜ ବିଜୟୀ ହୋଇଛି । ତୃତୀୟ ଦିନିକିଆରେ ଦଳ ୩ ୱିକେଟରେ ଇଂଲଣ୍ଡକୁ ପରାସ୍ତ କରିଥିଲା । ମଧ୍ୟ ଭାଗ ବ୍ୟାଟସମ୍ୟାନ ଆଲେକ୍ସ କ୍ୟାରୀ ଓ ଗ୍ଲେନ ମାକ୍ସୱେଲଙ୍କ ବିସ୍ଫୋରକ ଶତକ ଦଳ ବିଷୟରେ ମୁଖ୍ୟ ଭୂମିକା ଗ୍ରହଣ କରିଥିଲେ । ମାକ୍ସୱେଲ ଉଭୟ ପ୍ଲେୟାର ଅଫ ଦ ମ୍ୟାଚ ଓ ସିରିଜ ବିବେଚିତ ହୋଇଥିଲେ । ଟସ ଜିତି ଇଂଲଣ୍ଡ ପ୍ରଥମେ ବ୍ୟାଟିଂ କରି ଓପନର ଜନି ବେୟାରଷ୍ଟାଙ୍କ ଶତକୀୟ ଇନିଂସ ସହାୟତାରେ ୭/୩୦୨ ରନ ସଂଗ୍ରହ କରିଥିଲା । ଦଳ ପକ୍ଷରୁ ବେୟାରଷ୍ଟୋ ୧୧୨ (୧୨୫ ବଲ, ୧୨ ଚୌକା, ୨ ଛକା), ଅଧିନାୟକ ଇୟନ ମୋର୍ଗାନ ୨୩, ସାମ ବିଲିଙ୍ଗସ ୫୭, ଟମ କୁରାନ ୧୯ ଓ କି୍ରସ ୱକ୍ସ ୩୯ ବଲରୁ ୬ ଚୌକା ସହ ଅପରାଜିତ ୫୩ ରନ କରିଥିଲେ । ଅଷ୍ଟ୍ରେଲିଆ ପକ୍ଷରୁ ମିଚେଲ ଷ୍ଟାର୍କ ଓ ଆଡାମ ଜାମ୍ପା ୩ଟି ଲେଖାଏଁ ୱିକେଟ ଅକ୍ତିଆର କରିଥିଲେ । ଜବାବରେ ୩୦୩ ରନ ବିଜୟ ଲକ୍ଷ୍ୟର ପିଛା କରି ଅଷ୍ଟ୍ରେଲିଆ ୭୩ ରନରେ ୫ଟି ୱିକେଟ ହରାଇ ସାରିଥିଲା ।
