ନିଖୋଜ ଶିଶୁର ମୃତଦେହ ଉଦ୍ଧାର

May 25, 2019 - 04:56 Updated: May 25, 2019 - 04:56

1815

ବଲାଙ୍ଗିର: ଲକ୍ଷ୍ମୀନଗରପଡ଼ାର ନିଖୋଜ ଥିବା ଶିଶୁର ମୃତ ଦେହ ଉଦ୍ଧାର ହୋଇଛି । ମୃତ ଦେହକୁ ଲକ୍ଷ୍ମୀଜୋର ନାଳର ଏକ ଗାତରୁ ଠାବ କରାଯାଇଛି । ପରିବାର ଲୋକ ଟାଉନ୍ ଥାନାରେ ଅଭିଯୋଗ କରିଛନ୍ତି । ପୋଲିସ ମୃତ ଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇ ତଦନ୍ତ ଆରମ୍ଭ କରିଛି । ସୂଚନା ଯୋଗ୍ୟ ଯେ କାଲି ସକାଳେ ଜଗଦୁ ବାଗ୍ଙ୍କ ୫ ବର୍ଷ ପୁଅ ନିଖୋଜ ହୋଇଯାଇଥିଲା । ପରିବାର ଲୋକେ ବହୁ ଖୋଜାଖୋଜି କରିବା ପରେ ପାଇ ନ ଥିଲେ । ଶେଷରେ ପରିବାର ଲୋକ ଟାଉନ ଥାନାରେ ଅଭିଯୋଗ କରିଥିଲେ । ଲକ୍ଷ୍ମୀଜୋର ନାଳର ଗାତରେ ଶିଶୁର ମୃତଦେହ ପଡ଼ିଥିବା ସ୍ଥାନୀୟ ଲୋକ ଦେଖିଥିଲେ । ଏନେଇ ପୋଲିସକୁ ଖବର ଦେଇଥିଲେ ।