ପାରାଦ୍ୱୀପରେ ମହାତ୍ମା ଗାନ୍ଧୀଙ୍କ ୧୫୦ତମ ଜୟନ୍ତୀ ପାଳିତ
ପାରାଦ୍ୱୀପରେ ମହାତ୍ମା ଗାନ୍ଧୀଙ୍କ ୧୫୦ତମ ଜୟନ୍ତୀ ପାଳିତ
admin
2546
ପାରାଦ୍ୱୀପ: (ଲକ୍ଷ୍ମୀନାରାୟଣ ସାହୁ) :ମହାତ୍ମାଗାନ୍ଧୀଙ୍କ ୧୫୦ତମ ଜୟନ୍ତୀ ଉପଲକ୍ଷେ ବନ୍ଦର ସହର ପାରାଦ୍ୱୀପରେ ବିଭିନ୍ନ ଅନୁଷ୍ଠାନ ଓ ସଙ୍ଗଠନ ତରଫରୁ ମହା ଉସôାହ ଓ ଉଦ୍ଧିପନା ସହକାରେ ପାଳିତ ହୋଇଯାଇଛି । ଏହି ଅବସରରେ ପାରାଦ୍ୱୀପ ପୌରପାଳିକା ପକ୍ଷରୁ ସ୍ଥାନୀୟ ବସଷ୍ଟାଣ୍ଡ ଠାରେ ସ୍ୱଚ୍ଛ ଭାରତ ଅଭିଯାନ ଅନ୍ତର୍ଗତ ଏକ ସ୍ୱଚ୍ଛତା କାର୍ଯ୍ୟକ୍ରମ ପୌରାଧ୍ୟକ୍ଷ ବସନ୍ତ କୁମାର ବିଶ୍ୱାଳ ଓ କାର୍ଯ୍ୟନିର୍ବାହୀ ଅଧିକାରୀ ଦିଲ୍ଲିପ କୁମାର ମହାନ୍ତିଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା । ସାଂସ୍କୃତିକ ଅନୁଷ୍ଠାନ ‘କ୍ୟାନମାସ’ କଳାକାରଙ୍କ ଦ୍ୱାରା ପଲିଥିନ ଓ ପ୍ଳାଷ୍ଟିକ ମୁକ୍ତ ଏକ ସଚେତନତା ପଥପ୍ରାନ୍ତ ନାଟକ “ଏବେ ନୁହେଁ ତ କେବେ ନୁହେଁ” ପ୍ରଦର୍ଶିତ ହୋଇଥିଲା । ଏହାପରେ ବସଷ୍ଟାଣ୍ଡରୁ ଏକ ବିରାଟ ସଚେତନତା ପଦଯାତ୍ରା ଆରମ୍ଭ ହୋଇ ସହର ବସଷ୍ଟାଣ୍ଡରୁ ଏକ ବିରାଟ ସଚେତନତା ପଦଯାତ୍ରା ଆରମ୍ଭ ହୋଇ ସହର ପରିକ୍ରମା କରି ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ଛକ (ନୂତନ ନାମ ଗାନ୍ଧୀ ଛକ) ନିକଟରେ ପହଞ୍ଚିଥିଲା । ସେଠାରେ ପାରାଦ୍ୱୀପ ପୌର ପରିଷଦ ଦ୍ୱାରା ନିର୍ମିତ ଗାନ୍ଧୀଜୀଙ୍କର ଏକ ପ୍ରତିମୁର୍ତ୍ତୀକୁ ପାରାଦ୍ୱୀପ ବିଧାୟକ ସମ୍ବିତ ରାଉତରାୟ ଉନ୍ମୋଚନ କରିଥିଲେ । ଏହି ଅବସରରେ ଅନ୍ୟମାନଙ୍କ ମଧ୍ୟରେ ଅତିରିକ୍ତ ଜିଲ୍ଲାପାଳ କାହ୍ନୁଚରଣ ଧୀର, ପୌରାଧ୍ୟକ୍ଷ ବସନ୍ତ ବିଶ୍ୱାଳ,ଉପାଧ୍ୟକ୍ଷା ପ୍ରଭାତୀ ନାୟକ, ସମସ୍ତ ପାରିଷଦ, ବନ୍ଦର ମୁଖ୍ୟ ଅର୍ଥ ପରାମର୍ଶଦାତା ଏସ୍.କେ ସାହୁ, ପୌରକାର୍ଯ୍ୟ ନିର୍ବାହୀ ଅଧିକାରୀ ଦିଲ୍ଲିପ କୁମାର ମହାନ୍ତି, ବିଜେଡି ରାଜ୍ୟ ସଂପାଦକ ତଥା ବିଶିଷ୍ଟ ଶ୍ରମିକ ନେତା ସନ୍ତୋଷ କୁମାର ପଟ୍ଟନାୟକ, ପାରାଦ୍ୱୀପ ବିଜେଡି ସଭାପତି ସୁମନ୍ତ କୁମାର ବିଶ୍ୱାଳ,ବିଜେପି ସଭାପତି କୈଳାଶ ଚନ୍ଦ୍ର ସାହୁଙ୍କ ସମେତ ବହୁ ଉଚ୍ଚ ପଦସ୍ଥ ଅଧିକାରୀ ଓ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ । ଏହିକାର୍ଯ୍ୟକ୍ରମରେ ବହୁ ସଂଖ୍ୟାରେ ପାରାଦ୍ୱୀପ ସାକ୍ଷରତା ସମିତି, ଏସ୍ଏଚ୍ଜି ଗୃ୍ରପ୍, ପାରାଦ୍ୱୀପ ଯୁବକ ସଂଘ, ଆଜାଦ ହିନ୍ଦ ଟ୍ରଷ୍ଟର ସଭ୍ୟ ସଭ୍ୟାଙ୍କ ସମେତ ବହୁ ସ୍କୁଲ ଛାତ୍ରଛାତ୍ରୀ, ସାମ୍ବାଦିକ ଓ ସ୍ଥାନୀୟ ଜନସାଧାରଣ ଭାଗ ନେଇଥିଲେ । ସେହିପରି ସ୍ଥାନୀୟ ବିଜେପି ନେତା ସମ୍ପଦ ସ୍ୱାଇଁ ନେତୃତ୍ୱରେ ଥାନା ଛକ ନିକଟରୁ ଏକ ଶାନ୍ତି ପଦଯାତ୍ରା ବାହାରୀ ସହର ପରିକ୍ରମା କରି ଗାନ୍ଧିଛକ ନିକଟରେ ଶେଷ ହୋଇଥିଲା ।
