ପ୍ରଥମେ ବୟସ୍କ ସ୍ୱାସ୍ଥ୍ୟକର୍ମୀଙ୍କୁ କରୋନା ଟିକା
ପ୍ରଥମେ ବୟସ୍କ ସ୍ୱାସ୍ଥ୍ୟକର୍ମୀଙ୍କୁ କରୋନା ଟିକା
admin
5616
ଭୁବନେଶ୍ୱର : ଓଡ଼ିଶାରେ ପ୍ରଥମେ ବୟସ୍କ ସ୍ୱାସ୍ଥ୍ୟକର୍ମୀଙ୍କୁ କରୋନା ଟିକା ପ୍ରଦାନ କରାଯିବ । ଆଜି ଓଡ଼ିଶାରେ ପହଁଚିବ କରୋନା ଟୀକା । ଅପରାହ୍ନ ସାଢେ଼ ୪ଟାରେ କୋଭିସିଲଡ଼ ଟିକା ଓଡ଼ିଶାରେ ପହଁଚିବ ବୋଲି ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର ସୂଚନା ଦେଇଛନ୍ତି । ପୁଣେରୁ ଭୁବନେଶ୍ୱରକୁ ସ୍ୱତନ୍ତ୍ର ସ୍ପାଇସ ଜେଟ ବିମାନରେ କୋଭିସିଲଡ଼ ଟିକା ଆସିବ । ଅପରାହ୍ନରେ ଭୁବନେଶ୍ୱର ବିମାନ ବନ୍ଦରରେ ଟିକା ପହଁଚିବ ବୋଲି ଶ୍ରୀ ମହାପାତ୍ର କହିଛନ୍ତି । ଜିଲାଗୁଡ଼ିକୁ ମଧ୍ୟ ଟିକା ପଠାଯିବ । ଟିକାଗାଡ଼ିରେ ଏହା ପରିବହନ ହେବ । ଏନେଇ ସ୍ୱାସ୍ଥ୍ୟ ବିଭାଗ ପକ୍ଷରୁ ଜିଲାପାଳମାନଙ୍କୁ ନିଦେ୍ର୍ଧଶ ଦିଆଯାଇଛି ।
ଆସନ୍ତା ୧୬ରୁ ସାରା ଦେଶରେ କରୋନା ଟିକାକରଣ ଆରମ୍ଭ ହେବ । ପୁଣେ ଅନ୍ତର୍ଜାତୀୟ ବିମାନ ବନ୍ଦରରୁ ୧୩ଟି ସହରକୁ ଟିକା ବିତରଣ ଆରମ୍ଭ ହୋଇଛି । ପ୍ରଥମ ଦଫାରେ ୧୩ଟି ସହରକୁ ୫୬.୫ ଲକ୍ଷ ଡୋଜର ଟିକା ପଠାଯିବ ।
ଅପରପକ୍ଷରେ ଦେଶରେ କରୋନା ମୃତୁ୍ୟ ସଂଖ୍ୟା ୧ ଲକ୍ଷ ୫୧ ହଜାର ୩୨୭କୁ ବୃଦ୍ଧି ପାଇଛି । ସେହିପରି ୨୪ ଘଂଟାରେ ୧୨୫୮୪ ନୂଆ ସଂକ୍ରମିତ ହୋଇଥିବାବେଳେ ୧୬୭ ଜଣଙ୍କ ମୃତୁ୍ୟ ଘଟିଛି । ସେହିପରି ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୧ କୋଟି ୪ ଲକ୍ଷ ୭୯୧୭୯କୁ ବୃଦ୍ଧି ପାଇଛି । ସମ୍ପ୍ରତି ୨ ଲକ୍ଷ ୧୬୫୫୮ ଜଣ ଚିକିତ୍ସିତ ହେଉଛନ୍ତି ।
