ବହୁମତ ମିଳି ସାରିଛି: ଅରୁଣ

Apr 25, 2019 - 06:38 Updated: Apr 25, 2019 - 06:38

2357

ଭୁବନେଶ୍ୱର: ମୟୂରଭଞ୍ଜ ଜିଲ୍ଲା ବିଜେଡି ଉପସଭାପତି ଈଶାନ ମିଶ୍ର ବିଜେପିରେ ମିଶିଲେ। ମିଶ୍ରଣ ପର୍ବ ପରେ ବିଜେପି ପ୍ରଭାରୀ ଅରୁଣ ସିଂହଙ୍କ କହିଛନ୍ତି ଯେ, ତୃତୀୟ ପର୍ଯ୍ୟାୟ ସୁଦ୍ଧା ଆମକୁ ବହୁମତ ମିଳିସାରିଛି । ଚତୁର୍ଥ ପର୍ଯ୍ୟାୟ ପରେ ତିନି ଚତୁର୍ଥାଂଶ ସଫଳତା ପାଇବା ପରେ ସରକାର ଗଢିବୁ । ଲୋକସଭାରେ ଆମେ ୨୧ରୁ ୨୧ ଆସନ ଜିତିବୁ ବୋଲି ଦୃଢୋକ୍ତି ପ୍ରକାଶ କରିଛନ୍ତି ଅରୁଣ ସିଂହ । ଆମକୁ ବହୁମତ ମିଳିସାରିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ କରି ଅରୁଣ ସିଂହ କହିଛନ୍ତି ମୁଖ୍ୟମନ୍ତ୍ରୀ ମିଛର ସାହାରା ନେଇଛନ୍ତି । ବାହୁବଳ ଓ ପ୍ରଶାସନିକ କଳକୁ ଅପବ୍ୟବହାର କରୁଛନ୍ତି । ଯେଉଁମାନେ ଗୁଣ୍ଡାଗର୍ଦ୍ଧି କରୁଛନ୍ତି, ସେମାନଙ୍କୁ ଜେଲ ପଠାଯିବ ବୋଲି ଶ୍ରୀ ସିଂହ କହିଛନ୍ତି ।