ବିଜେଡି ସହ ହାତ ମିଳାଇଛି ବିଜେପି: ସୁର
ବିଜେଡି ସହ ହାତ ମିଳାଇଛି ବିଜେପି: ସୁର
admin
4559
ଭୁବନେଶ୍ୱର: ଶେଷ ହୋଇଛି ବିଜେପୁର ଉପନିର୍ବାଚନ । ଆଉ ଏଥିରେ ବିଜେଡି ଏକ ନୂଆ ରେକର୍ଡ ସହ ବାଜିମାତ କରିଛି । ବିଜେଡି ପ୍ରାର୍ଥୀ ରୀତା ସାହୁ ଉଭୟ କଂଗ୍ରେସ ଓ ବିଜେପି ପ୍ରାର୍ଥୀଙ୍କୁ ପଛରେ ପକାଇ ବିଜୟ ମୁକୁଟ ପିନ୍ଧିଛନ୍ତି । ତେବେ ନିଜର ପରାଜୟ ପାଇଁ ଉଭୟ ବିଜେପି ଓ କଂଗ୍ରେସ ବିଜେଡି ଉପରେ ଦୋଷ ଲଦୁଥିବାବେଳେ ଶନିବାର କଂଗ୍ରେସର ବରିଷ୍ଠ ନେତା ମଧ୍ୟ ଅନୁରୂପ ମନ୍ତବ୍ୟ ଦେଇଛନ୍ତି । ଖାଲି ସେତିକି ନୁହେଁ ବିଜେପୁରରେ ବିଜେପି ବିଜେଡି ସହ ହାତ ମିଶାଇ ଦେଇଥିବା କହିଛନ୍ତି ।
ଶ୍ରୀ ରାଉତରାୟ କହିଛନ୍ତି ଯେ, ବିଜେପୁରରେ ବିଜେଡି ପ୍ରଚୁର ଟଙ୍କା ବାଣ୍ଟିଥିଲା । ମାଳ ମାଳ ନେତା ଜଗିଥିଲେ । ସେଠାରେ ବିଜେପି ଓ କଂଗ୍ରେସ ଅଚେତ ହୋଇ ମରିପଡ଼ିଥିଲେ । ବିଜେପୁରରେ କଂଗ୍ରେସର କିଛି ନଥିଲା । ସେଠାରେ ଦଳୀୟ ପ୍ରାର୍ଥୀ ଏକା ବୁଲୁଥିଲେ । ପୋଷ୍ଟର, ବ୍ୟାନର, ଅଫିସ ଓ ଟଙ୍କା, କଂଗ୍ରେସର କିଛି ନଥିଲା ।
କଂଗ୍ରେସ ଭଳି ବିଜେପୁରରେ ବିଜେପିର ସମ ଅବସ୍ଥା ରହିଥିଲା । ବିଜେପିର ବି ପୋଷ୍ଟର କି ବ୍ୟାନର ନଥିଲା । ବିଜେପି ସେଠାରେ ବିଜେଡି ସହ ହାତ ମିଳାଇ ଦେଲା । ସେଠାରେ ବିଜେପି ଓ କଂଗ୍ରେସ ଅଚେତ ହୋଇ ମରିପଡ଼ିଥିଲେ । ବିଜେପୁରରେ ବିଜେଡି ପ୍ରଚୁର ଟଙ୍କା ବାଣ୍ଟିଥିଲା । ପୁରୁଷଙ୍କୁ ୨ ହଜାର, ମହିଳାଙ୍କୁ ୧୫୦୦ ଓ ଯୁବକଙ୍କୁ ହଜାରେ ଟଙ୍କା ଲେଖାଏଁ ବିଜେଡି ପକ୍ଷରୁ ବଣ୍ଟାଯାଇଥିଲା । ଏଭଳି ସ୍ଥିତି ଦେଖି କଂଗ୍ରେସ ସେଠାରେ ହାରିଯିବ ବୋଲି ମୁଁ କହିଥିଲି । ଯଦି ମୁଁ କହିଲି ବୋଲି ଆମେ ହାରିଲୁ ବୋଲି କହୁଛନ୍ତି, ତେବେ ମୁଁ ଦାୟୀ ବୋଲି ଶ୍ରୀ ରାଉତରାୟ କହିଛନ୍ତି ।
