ବିଜେପୁର ଉପନିର୍ବାଚନ: ୧.୦୮ ପ୍ରତିଶତ ନୋଟା, ପୋଷ୍ଟାଲ ଭୋଟରେ ବିଜେପି ଆଗରେ
ବିଜେପୁର ଉପନିର୍ବାଚନ: ୧.୦୮ ପ୍ରତିଶତ ନୋଟା, ପୋଷ୍ଟାଲ ଭୋଟରେ ବିଜେପି ଆଗରେ
admin
6425
ଭୁବନେଶ୍ବର: ବିଜେପୁର ଉପନିର୍ବାଚନରେ ବିଜେଡି ପ୍ରାର୍ଥୀ ରୀତା ସାହୁ ବିଜୟୀ ହୋଇଛନ୍ତି। ରୀତା ସାହୁ ୯୮ହଜାରରୁ ଅଧିକ ଭୋଟ୍ ବ୍ୟବଧାନରେ ବିଜୟୀ ହୋଇଛନ୍ତି।
ନିର୍ବାଚନ କମିଶନଙ୍କ କାର୍ଯ୍ୟାଳୟରୁ ମିଳିଥିବା ସୂଚନା ଅନୁସାରେ ବିଜେଡି ପ୍ରାର୍ଥୀ ରୀତା ସାହୁଙ୍କ ସପକ୍ଷରେ ୧,୩୫,୯୪୯ଟି ଭୋଟ୍ ପଡ଼ିଥିବାବେଳେ ବିଜେପି ପ୍ରାର୍ଥୀ ସନତ ଗଡ଼ତିଆଙ୍କ ସପକ୍ଷରେ ୩୭,୯୫୫ଟି, କଂଗ୍ରେସ ପ୍ରାର୍ଥୀ ଦିଲ୍ଲୀପ ପଣ୍ଡାଙ୍କୁ ୫୮୭୧ଟି, ଅଖିଳ ଭାରତ ହିନ୍ଦୁ ମହାସଭା ପ୍ରାର୍ଥୀ ଅଶୋକ କୁମାର ମିତ୍ତଲଙ୍କୁ ୧୨୧୯ଟି, ସ୍ୱାଧୀନ ପ୍ରାର୍ଥୀ ବୃନ୍ଦାବନ ପୁରୋହିତଙ୍କୁ ୧୦୫୩ଟି ଭୋଟ୍ ମିଳିଛି।
ସେହିପରି ପୋଷ୍ଟାଲ ଭୋଟ୍ ବିଜେପି ପ୍ରାର୍ଥୀ ଶ୍ରୀ ଗଡ଼ତିଆଙ୍କ ସପକ୍ଷରେ ସର୍ବାଧିକ ୧୨ଟି ଯାଇଥିବାବେଳେ ବିଜେଡି ପ୍ରାର୍ଥୀ ଶ୍ରୀମତୀ ସାହୁଙ୍କୁ ୮ଟି ଓ କଂଗ୍ରେସ ପ୍ରାର୍ଥୀ ସପକ୍ଷରେ ୨ଟି ପୋଷ୍ଟାଲ ଭୋଟ୍ ମିଳିଛି। ବିଜେପୁର ଉପନିର୍ବାଚନରେ ନୋଟା(ନନ୍ ଅଫ୍ ଦ ଏବଭ)ରେ ମୋଟ ୧୯୮୨ଟି ଭୋଟ୍ ପଡ଼ିଛି। ନୋଟାରେ ପଡ଼ିଥିବା ଭୋଟ୍ ମୋଟ ଭୋଟର ୧.୦୮%।
