ଭାଇରାଲ ଅଡ଼ିଓ ପ୍ରସଙ୍ଗ : ଓରଟେଲ୍ କର୍ମଚାରୀଙ୍କ ସମେତ ଦୁଇ ଗିରଫ
ଭାଇରାଲ ଅଡ଼ିଓ ପ୍ରସଙ୍ଗ : ଓରଟେଲ୍ କର୍ମଚାରୀଙ୍କ ସମେତ ଦୁଇ ଗିରଫ
admin
1816
ଭୁବନେଶ୍ୱର : ଭାଇରାଲ ଅଡ଼ିଓକୁ ନେଇ ସାରା ରାଜ୍ୟରେ ଜୋରଦାର ଚର୍ଚ୍ଚା ଜାରିରହିଛି । ଗୋଟିଏ ପଟେ ବିଏମସିର ନୋଟିସ ପ୍ରସଙ୍ଗକୁ କେତେକ ସାମ୍ବାଦିକ ଓ ରାଜନେତା ନିନ୍ଦା କରୁଥିବାବେଳେ ଅପରପକ୍ଷରେ ପୁଲିସ ଘଟଣାର ତଦନ୍ତ କରୁଛି । ତେବେ ଭାଇରାଲ ଅଡ଼ିଓ ପଛରେ ଅରଟେଲ କର୍ମଚାରୀ ଥିବା କ୍ୟାପିଟାଲ ପୁଲିସ ପକ୍ଷରୁ କୁହାଯାଇଛି । ଏହି ଘଟଣାରେ ୨ ଜଣଙ୍କୁ ଗିରଫ କରାଯାଇଛି ।
ଭାଇରାଲ ଅଡ଼ିଓ ପଛରେ କାହାର ହାତ ରହିଛି ସେନେଇ ତଦନ୍ତ କରାଯାଉଥିଲା । ତଦନ୍ତ ପରେ ପୁଲିସ ଅରଟେଲର କର୍ମଚାରୀ ଲକ୍ଷ୍ମୀକାନ୍ତ ବେହେରା ଓ ତାଙ୍କ ସାଙ୍ଗ ବିଶ୍ୱଜିତ ମହାନ୍ତିଙ୍କୁ ପୁଲିସ ଗିରଫ କରିଛି । ସେମାନଙ୍କର ସ୍ୱାସ୍ଥ୍ୟ ପରୀକ୍ଷା ପରେ ସେମାନଙ୍କୁ କୋର୍ଟ ଚାଲାଣ କରାଯିବ । ସେହିପରି ବିଶ୍ୱଜିତ ଯେଉଁ କରୋନା ଆକ୍ରାନ୍ତଙ୍କ ସଂଖ୍ୟା କଥା ହେଉଥିଲେ, ତାଙ୍କୁ ମଧ୍ୟ ପୁଲିସ ପଚରାଉଚରା କରିଥିବା ଜାଣିବାକୁ ମିଳିଛି । ସୂଚନାଯୋଗ୍ୟଯେ, ସୁସ୍ଥ ହେବା ପରେ ଜଣେ କରୋନା ରୋଗୀଙ୍କ ସହ ବିଶ୍ୱଜିତ କଥା ହୋଇଥିଲେ । ସଂପୃକ୍ତ ସୁସ୍ଥ ରୋଗୀ ତାଙ୍କର ଅଭିଜ୍ଞତା ବଖାଣିବା ବେଳେ କେତେକ ଭୁଲ ତଥ୍ୟ ଦେଇଥିଲେ । ଓଟିଭିର ଡିଜିଟାଲ ପ୍ଲାଟଫର୍ମରେ ଏହା ପ୍ରଚାର କରାଯିବା ପରେ ବିଏମସି ପକ୍ଷରୁ ଏତଲା ଦିଆଯାଇଥିଲା ।
