ମାଓବାଦୀଙ୍କ ବନ୍ଦ ଡାକରା

Oct 25, 2019 - 05:00 Updated: Oct 25, 2019 - 05:00

3072

ଭୁବନେଶ୍ୱର: ଆଜି ମାଓବାଦୀ ୨୪ ବନ୍ଦ ଡାକରା ଦେଇଛନ୍ତି । ମାଓବାଦୀଙ୍କ ବନ୍ଦ ପାଳନ ଯୋଗୁଁ ବିଭିନ୍ନ ସ୍ଥାନରେ ଗମନାଗମନ ଠପ୍ ହୋଇ ପଡିଛି । ଏନଏଚ-୫୯ ବାଲିଗୁଡାର ସିରତିଗୁଡା ଠାରେ ଗଛ ପକାଇ ରାସ୍ତା ଅବରୋଧ କରାଯାଇଛି । ଗଛ ପକାଇ ରାସ୍ତା ଅବରୋଧ କରିବା ଦ୍ୱାରା ସେହି ରାସ୍ତାଟି ଶୂନ୍ ଶାନ୍ ହୋଇପଡିଛି । ଦାରିଙ୍ଗବାଡି-ବାଲିଗୁଡା ମଧ୍ୟରେ ଗମନାଗମନ ଠପ୍ ହୋଇପଡିଛି । ମାଓବାଦୀଙ୍କ ବନ୍ଦ ପାଳନ ଯୋଗୁଁ ଯାତ୍ରୀ ମାନେ ହନ୍ତସନ୍ତ ହେଉଛନ୍ତି । ରାସ୍ତାରେ ଗଛ ପକାଇ ଅବରୋଧ କରିବା ସହିତ ରାସ୍ତା ମଝିରେ ବାନର ଲଗାଇ ବନ୍ଦ ପାଳନ କରିଛନ୍ତି । କୁର୍ତମଗଡ ନିକଟ ପନ୍ଦର ମାଇଲ ଠାରେ ଗଛ ପକାଇ ରାସ୍ତା ଅବରୋଧ କରିଛନ୍ତି । ବାଲିଗୁଡା-କୋଟଗଡ-ରାୟଗଡା-କଳାହାଣ୍ଡି ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇ ପଡିଛି । କୁର୍ତମଗଡ ବୈମାଲା ଗାଁ ପାଖ ଗଛରେ ବିସ୍ଫୋରକ ଖଞ୍ଜା ଯାଇଥିବା ସନେ୍ଦହ କରାଯାଉଛି । ପୋଲିସର ଦମନ ଲୀଳା, ଗ୍ରୀନହଂଟ ଅପରେସନକୁ ବିରୋଧ କରି ବନ୍ଦ ଡାକରା ଦିଆଯାଇଛି । ରାୟଗଡା ଜିଲ୍ଲାର ୭ଟି ରୁଟରେ ସରକାରୀ ବସ୍ ଚଳାଚଳ ବନ୍ଦ ହୋଇ ପଡିଛି ।