ମୋଦୀଙ୍କୁ କୋହଲିଙ୍କ ସମେତ କ୍ରୀଡାବିତ ଅଭିନନ୍ଦନ
ମୋଦୀଙ୍କୁ କୋହଲିଙ୍କ ସମେତ କ୍ରୀଡାବିତ ଅଭିନନ୍ଦନ
admin
5511
ନୂଆଦିଲ୍ଲୀ: ପ୍ରଧାନମନ୍ତ୍ରୀ ଭାବେ ଦ୍ୱିତୀୟଥର ଦାୟିତ୍ୱ ଗ୍ରହଣ କରିବାକୁ ଯାଉଛନ୍ତି ନରେନ୍ଦ୍ର ମୋଦୀ । ଭାରତୀୟ କ୍ରିକେଟ ଦଳ ବିଶ୍ୱକପ ଖେଳିବାକୁ ଇଂଲଣ୍ଡରେ ଥିବାବେଳେ ଦଳର ଅଧିକନାୟକ ବିରାଟ କୋହଲି ଟ୍ୱିଟର ମାଧ୍ୟମରେ ମୋଦୀଙ୍କୁ ଅଭିନନ୍ଦନ ଜଣାଛନ୍ତି । ନିଜ ବାର୍ତାରେ କୋହଲି ୨ୟଥର ପାଇଁ ମୋଦୀ ପ୍ରଧାନମନ୍ତ୍ରୀ ହେବାକୁ ଯାଉଥିବାରୁ ଶୁଭେଚ୍ଛା ଜଣାଇବା ସହ ତାଙ୍କ ନେତୃତ୍ୱରେ ଭାରତ ଉନ୍ନତି ପଥରେ ଆଗଇ ଚାଲିବ ବୋଲି ଆଶାବ୍ୟକ୍ତ କରିଛନ୍ତି । କୋହଲିଙ୍କ ବ୍ୟତୀତ ଅନ୍ୟ କ୍ରୀଡାବିତ ମୋଦୀଙ୍କୁ ଅଭିନନ୍ଦନ ଜଣାଇଛନ୍ତି ।ସଚିନ ତେନ୍ଦୁଲକର ନିଜ ଟ୍ୱିଟର ବାର୍ତାରେ ବିଜେପି ଓ ମୋଦୀଙ୍କୁ ଅଭିନନ୍ଦନ ଜଣାଇବା ସହ ଦେଶବାସୀ ମୋଦୀଙ୍କ ସହ ଅଛନ୍ତି ବୋଲି ଦର୍ଶାଇଛନ୍ତି । ମୋଦୀଙ୍କ ନେତୃତ୍ୱରେ ଦେଶ ଅଧିକ ଶକ୍ତିଶାଳୀ ହେବ ବୋଲି ଦର୍ଶାଇଛନ୍ତି ।
ବୀରେନ୍ଦ୍ର ସେହ୍ୱାଗ ମଧ୍ୟ ମୋଦୀଙ୍କୁ ଅଭିନନ୍ଦନ ଜଣାଇବା ସହ ଭାରତର ଭବିଷ୍ୟତ ସୁରକ୍ଷିତ ବୋଲି ଦର୍ଶାଇଛନ୍ତି । ମହିଳା ବକ୍ସର ମେରି କମ, ଆଥଲେଟ ନୀରଜ ଚୋପ୍ରା, ସାଇନା ନେହୱାଲ ପ୍ରମୁଖ ମୋଦୀଙ୍କୁ ଅଭିନନ୍ଦନ ଜଣାଇଛନ୍ତି ।
