ଯୁଦ୍ଧ ସମୟରେ ୟୁକ୍ରେନ୍ରେ ଭାରତୀୟଙ୍କ ମହାନତା
ଯୁଦ୍ଧ ସମୟରେ ୟୁକ୍ରେନ୍ରେ ଭାରତୀୟଙ୍କ ମହାନତା
admin
ନୂଆଦିଲ୍ଲୀ: ସଂକଟ ସମୟରେ ୟୁକ୍ରେନରେ ଭାରତୀୟଙ୍କ ମହାନତାକୁ ନେଇ ଏବେ ସମସ୍ତେ ପ୍ରଶଂସା କରୁଛନ୍ତି । ରାଜଧାନୀ କିବ୍ରେ ସମ୍ପ୍ରତି ଅନେକ ଭାରତୀୟ ଫସି ରହିଥିବାବେଳେ ଯୁଦ୍ଧକୁ ନେଇ ଆଶଙ୍କାରେ ରହିଛନ୍ତି । ଏଭଳି ସମୟରେ ସେଠାରେ ଜଣେ ଭାରତୀୟ ଖୋଲିଥିବା ରେସ୍ତୋରାଁ ‘ସାଥୀୟା’ ଆଶ୍ରୟସ୍ଥଳୀ ପାଲଟିଛି । ରେସ୍ତୋରାଁ ମାଲିକ ଗୁଜରାଟର ୫୨ ବର୍ଷିୟ ମନୀଷ ଦାୱେ ଆଶ୍ରୟ ନେଇଥିବା ସମସ୍ତଙ୍କ ପାଇଁ ଖାଦ୍ୟପାନୀୟର ବ୍ୟବସ୍ଥା କରିଛନ୍ତି ।
ଭାରତୀୟ ଛାତ୍ରଛାତ୍ରୀଙ୍କ ପାଇଁ ରେସ୍ତୋରାଁ ‘ସାଥୀୟା’ ଖୋଲିଥିଲା କିନ୍ତୁ, ଏହା ପୂର୍ଣ୍ଣ ଭାବେ କାର୍ୟ୍ୟକ୍ଷମ ହେବା ପୂର୍ବରୁ ଯୁଦ୍ଧ ଆରମ୍ଭ ହୋଇଗଲା । ଏହି ରେସ୍ତୋରାଁଟି ଏକ ଅଟ୍ଟାଳିକାର ତଳେ ଥିବାରୁ ଏହା ସୁରକ୍ଷିତ ବୋଲି ମନେ କରାଯାଉଛି । ଯେତେପର୍ୟ୍ୟନ୍ତ ସମ୍ଭବ ସେତେପର୍ୟ୍ୟନ୍ତ ମାଗଣା ଖାଦ୍ୟ ଓ ରହଣୀର ବ୍ୟବସ୍ଥା କରାଯିବ ବୋଲି ମନୀଷ କହିଛନ୍ତି । ଜାନୁଆରୀ ମାସରେ ରେସ୍ତୋରାଁରେ କାରବାର ଆରମ୍ଭ ହେବା ବେଳେ ଏ ଭଳି ପରିସ୍ଥିତି ସୃଷ୍ଟି ହେବ ବୋଲି କେହି ଆଦୌ କଳ୍ପନା କରିନଥିଲେ ।
