ସୀମାରେ ସୁରକ୍ଷା ବ୍ୟବସ୍ଥା ବଢିଲା
ସୀମାରେ ସୁରକ୍ଷା ବ୍ୟବସ୍ଥା ବଢିଲା
admin
2341
ନୂଆଦିଲ୍ଲୀ,୧୫।୯: ଜମ୍ମୁ-କଶ୍ମୀରରୁ ଅନୁଚ୍ଛେଦ ୩୭୦ ଓ ୩୫-ଏ ହଟାଇ ଦିଆଯିବା ପରଠାରୁ ଯଦିଓ ସେଠାରେ ସେମତିି କିଛି ଅପ୍ରିତିକର ପରିସ୍ଥିତି ସୃଷ୍ଟି ହୋଇ ନାହିଁ ତଥାପି ସୁରକ୍ଷାକର୍ମୀ ସେଠାରେ ସବୁବେଳେ କଡା ନଜର ରଖିଛନ୍ତି। ତେବେ ଏହାକୁ ନେଇ ପାକିସ୍ତାନ ଯେଉଁଭଳି ମନୋଭାବ ପ୍ରକାଶ କରୁଛି ଓ ଯୁଦ୍ଧ ଧମକ ଦେଉଛି ତାକୁ ଦୃଷ୍ଟିରେ ରଖି ସେନା ସବୁବେଳେ ପ୍ରସ୍ତୁତ ରହୁଛି। ଏହି ପରିପ୍ରେକ୍ଷୀରେ ପୁଣି ଥରେ ସୀମାରେ ସୁରକ୍ଷା ବ୍ୟବସ୍ଥା ବଢାଇ ଦିଆଯାଇଥିବା ଜଣାପଡିଛି। ଅନ୍ୟପଟେ ସୀମାରେ ସେନା ସକ୍ରିୟ ଥିବା ଗୋଟିଏ ଦିନ ପୂର୍ବରୁ ସୂଚନା ଦେଇଥିଲେ ପ୍ରତିରକ୍ଷାମନ୍ତ୍ରୀ ରାଜନାଥ ସିଂ। ସୂଚନାଯୋଗ୍ୟ, ଜମ୍ମୁ-କଶ୍ମୀର ପ୍ରସଙ୍ଗକୁ ନେଇ ପାକିସ୍ତାନର ଏକ ପ୍ରକାର ମତି ଭ୍ରମ ଘଟିଛି କହିଲେ ଭୁଲ୍ ହେବନାହିଁ। ସେ ସବୁବେଳେ ଯୁଦ୍ଧ କରିବା ଲକ୍ଷ୍ୟରେ ରହୁଥିବାରୁ ତାକୁ କଡା ଜବାବ ଦେବାକୁ ପ୍ରସ୍ତୁତ ହୋଇ ରହିଛି ଭାରତୀୟ ସେନା। ବିଶେଷ କରି ସୀମାରେ ଥିବା ସେନା କ୍ୟାମ୍ପ ଗୁଡିକରେ ସୁରକ୍ଷା କଡାକଡି କରାଯାଇଥିବା କୁହାଯାଉଛି।
