ସୌମ୍ୟରଞ୍ଜନଙ୍କ ଉକ୍ତିକୁ ଉଠାଇ ଏମିତି କହିଲେ ଜୟନାରାୟଣ
admin
ଭୁବନେଶ୍ୱର: ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ଖଣ୍ଡପଡ଼ା ବିଧାୟକ ସୌମ୍ୟରଞ୍ଜନ ପଟ୍ଟନାୟକ ସରକାରଙ୍କ ବିରୋଧରେ ଏପରି କିଛି କହିଦେଇଛନ୍ତି ଯାହା ଉଭୟ ସକରାର ଓ ସୌମ୍ୟରଞ୍ଜନଙ୍କୁ ଅକଳରେ ପକାଇଥିବା ରାଜନୈତିକ ମହଲରେ ଚର୍ଚ୍ଚା ହେଉଛି । ତେବେ ଆଜି ବିଧାନସଭାରେ ବିରୋଧୀ ଦଳ ନେତା ସୌମ୍ୟଙ୍କ କଥାକୁ ଦୋହରାଇ କଟା ଘା’ରେ ଚୂନ ଲଗାଇଥିବା ଚର୍ଚ୍ଚା ହେଉଛି ।
ବିଜେଡି ବିଧାୟକ ସୌମ୍ୟରଞ୍ଜନଙ୍କ ଉକ୍ତିକୁ ଉଠାଇଲେ ଜୟନାରାୟଣ । ବିଧାନସଭା ଶୂନ୍ୟକାଳରେ ସୌମ୍ୟଙ୍କ ଉକ୍ତି ଉଠାଇ ସରକାରଙ୍କୁ ଟାର୍ଗେଟ କରିଛନ୍ତି ଜୟନାରାୟଣ ମିଶ୍ର । ଏସରକାରକୁ ପ୍ରକୃତରେ କିଏ ଚଳାଉଛି ବୋଲି ପ୍ରଶ୍ନ କରିଛନ୍ତି ଜୟନାରାୟଣ । କାଲି ବିଜେଡି ବିଧାୟକ କହିଛନ୍ତି ମନ୍ତ୍ରୀମାନେ ମୁଖ୍ୟମନ୍ତ୍ରୀଙ୍କୁ ଭେଟି ପାରୁନାହାନ୍ତି । ମିନିଷ୍ଟର ଉପରେ ସୁପର ମିନିଷ୍ଟର ରହିଛନ୍ତି ବୋଲି ବିଧାୟକ କହିଛନ୍ତି । କନସଲଟାଣ୍ଟ ଉପରେ ସରକାର ବିର୍ଭରଶୀଳ ବୋଲି ସେ କହିଛନ୍ତି । ବୁକ୍ ସର୍କୁଲାର କେହି ମାନୁନାହାନ୍ତି ବୋଲି ଖଣ୍ଡପଡା ବିଧାୟକ କହିଛନ୍ତି । ଗୃହର ସୁରକ୍ଷାକର୍ତ୍ତା ହିସାବରେ ଆମ ସୁରକ୍ଷା ଆପଣଙ୍କ ଦାୟିତ୍ୱ । ବୁକ୍ ସର୍କୁଲାର ଅମାନ୍ୟକାରୀଙ୍କ ପ୍ରତି କାର୍ୟ୍ୟାନୁଷ୍ଠାନ ନିର୍ଦ୍ଦେଶ ଦିଅନ୍ତୁ ବୋଲି ନିଜ ମତ ରଖିଛନ୍ତି ଜୟନାରାୟଣ ମିଶ୍ର ।
