ସଲମାନ ଖାନଙ୍କୁ ହତ୍ୟା ଷଡଯନ୍ତ୍ର : ସାର୍ପ ସୁଟର ଗିରଫ
ସଲମାନ ଖାନଙ୍କୁ ହତ୍ୟା ଷଡଯନ୍ତ୍ର : ସାର୍ପ ସୁଟର ଗିରଫ
admin
2351
ମୁମ୍ବାଇ : ବଲିଉଡ ସୁପରଷ୍ଟାର ସଲମାନ ଖାନଙ୍କୁ ହତ୍ୟା କରିବା ପାଇଁ ଷଡଯନ୍ତ୍ର କରୁଥିବା ସାର୍ପସୁଟର ଲରେନ୍ସ ବିଷ୍ଣୋଇ ଗ୍ୟାଙ୍ଗର ଜଣେ ସଦସ୍ୟକୁ ପୋଲିସ୍ ଗିରଫ କରିଛି । ଲରେନ୍ସ ବିଷ୍ଣୋଇ ସଲମାନଙ୍କୁ ହତ୍ୟା କରିବା ପାଇଁ ଯୋଜନା କରୁଥିବା ବେଳେ ଏହି ସାର୍ପ ସୁଟର ଜଣକ ମୁମ୍ବାଇ ଯାଇ ସଲମାନଙ୍କ ଫ୍ଲାଟର ଛାନଭିନ୍ କରି ଫେରିଥିଲା । ଲକଡାଉନ୍ ପୂର୍ବରୁ ଜାନୁୟାରୀ ମାସରେ ଅଭିଯୁକ୍ତ ଜଣକ ମୁମ୍ବାଇ ଆସି ଏହି ଛାନଭିନ କରିଥିଲା । ବିଷ୍ଣୋଇ ବର୍ତ୍ତମାନ ରାଜସ୍ଥାନର ଜେଲରେ ରହିଛି । ଫରିଦାବାଦ ପୋଲିସ୍ ପକ୍ଷରୁ ରାହୁଲ ଓରଫ ସାଙ୍ଗା ଓରଫ ସୁନ୍ନିକୁ ଅଗଷ୍ଟ ୧୫ ତାରିଖରେ ଗିରଫ କରାଯାଇଥିଲା । ଅନ୍ୟ ଏକ ହତ୍ୟା ମାମଲାରେ ଗିରଫ ସୁନ୍ନି ଗ୍ୟାଙ୍ଗର ଆଉ ଜଣେ ସଦସ୍ୟ ସମ୍ପତ ନେହରାଙ୍କ ସହିତ ମିଶି ସଲମାନଙ୍କ ଫ୍ଲାଟର ଛାନଭିନ୍ କରିଥିଲେ । ଏହି ଘଟଣା ପରେ ମୁମ୍ବାଇ ପୋଲିସ୍ ପକ୍ଷରୁ ସଲମାନଙ୍କ ସୁରକ୍ଷା ବ୍ୟବସ୍ଥା ବୃଦ୍ଧି କରାଯାଇଛି ।
