ସାବାସ ଏଜାଜ ପଟେଲ, ଗୋଟିଏ ପାଳିର ୧୦ଟି ୱିକେଟ ନେଲେ
ସାବାସ ଏଜାଜ ପଟେଲ, ଗୋଟିଏ ପାଳିର ୧୦ଟି ୱିକେଟ ନେଲେ
admin
5068
ମୁମ୍ବାଇ : ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଚାଲିଥିବା ଦ୍ୱିତୀୟ ଟେଷ୍ଟ ମ୍ୟାଚରେ ଭାରତୀୟ ବଂଶୋଦ୍ଭବ ନ୍ୟୁଜିଲାଣ୍ଡ ବୋଲର ଏଜାଜ ପଟେଲ ନୂଆ କୀର୍ତିମାନ ରଚିଛନ୍ତି । ଗୋଟିଏ ପାଳିରେ ଏକାକୀ ୧୦ଟି ୱିକେଟ ନେଇ ରେକର୍ଡ ସୃଷ୍ଟି କରିଛନ୍ତି । ପୂର୍ବରୁ ଭାରତୀୟ ବୋଲର ଅନୀଲ କୁମ୍ବଲେ ଗୋଟିଏ ପାଳିରେ ୧୦ ୱିକେଟ ନେଇ ଇତିହାସ ରଚିଥିଲେ । ଫଳରେ ଭାରତୀୟ ଟିମ ପ୍ରଥମ ପାଳିରେ ୩୨୫ ରନରେ ଅଟକି ଯାଇଥିଲା ।
ମୁମ୍ବାଇର ଯୋଗେଶ୍ୱରୀ ଇଲାକାରେ ଏବେବି ଏଜାଜଙ୍କର ଘର ରହିଛି । ତାଙ୍କ ମା’ ଆଇୱପାରା ଏକ ସ୍କୁଲରେ ପାଠ ପଢଉଥିଲେ । ଏଜାଜ ମଧ ବହୁଥର ୱାଙ୍ଖଡେ଼ ଷ୍ଟାଡ଼ିୟମରେ ଆଇପିଏଲ ମ୍ୟାଚ ଦେଖିଛନ୍ତି । ଏପରି ମୁମ୍ବାଇ ଇଣ୍ଡିଆନ୍ସ ବ୍ୟାଟ୍ସମ୍ୟାନଙ୍କ ନେଟ ପ୍ରାକ୍ଟିସ ବେଳେ ସେ ବୋଲିଂ ମଧ୍ୟ କରିଥିଲେ ।
ମୁମ୍ବାଇ ଟେଷ୍ଟର ପ୍ରଥମ ଦିନ ପଟେଲ ଶୁବମନ ଗିଲ, ଚେତେଶ୍ୱର ପୂଜାରା, ବିରାଟ କୋହଲି ଓ ଶ୍ରେୟସ ଆୟାରଙ୍କୁ ପଟେଲ ଆଉଟ କରିଥିଲେ । ଆଜି ଅବଶିଷ୍ଟ ୱିକେଟ ନେଇଛନ୍ତି ଏଜାଜ ।
