ସ୍ୱାମୀ ଏବଂ ଦୁଇ ଶିଶୁଙ୍କୁ ମାରିବା ପରେ ଆତ୍ମହତ୍ୟା କଲେ ଡାକ୍ତର
ସ୍ୱାମୀ ଏବଂ ଦୁଇ ଶିଶୁଙ୍କୁ ମାରିବା ପରେ ଆତ୍ମହତ୍ୟା କଲେ ଡାକ୍ତର
admin
6578
ମୁମ୍ବାଇ : ସ୍ୱାମୀ ଏବଂ ଦୁଇ ଶିଶୁଙ୍କୁ ମାରିବା ପରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି ଜଣେ ଡାକ୍ତର । ୪୧ ବର୍ଷୀୟ ଏହି ଡାକ୍ତର ଜଣଙ୍କ ନାମ ସୁଷମା ରାଣେ ବୋଲି ଜଣାପଡିଛି । ମହିଳାଙ୍କ ସ୍ୱାମୀ ଧୀରଜ (୪୨) ଏକ ଇଞ୍ଜିନିୟରିଙ୍ଗ କଲେଜର ପ୍ରଫେସର ଭାବରେ କାର୍ଯ୍ୟରତ । ଉଭୟଙ୍କ ଦୁଇ ଶିଶୁଙ୍କ ବୟସ ଯଥାକ୍ରମେ ୧୧ ଏବଂ ୫ ବୋଲି ଜଣାପଡିଛି । ମହାରାଷ୍ଟ୍ରର ନାଗପୁର ସହର ଅନ୍ତର୍ଗତ କୋରାଡିରେ ମଙ୍ଗଳବାର ଦିନ ଏହି ଛାତିଥରା ଘଟଣା ଦେଖିବାକୁ ମିଳିଛି । ସ୍ୱାମୀ ଏବଂ ଦୁଇ ସନ୍ତାନଙ୍କ ରକ୍ତଭିଜା ଶରୀର ଖଟ ଉପରୁ ମିଳିଥିବା ବେଳେ ଡାକ୍ତରଙ୍କ ଝୁଲନ୍ତା ଶବ ଦେଖିବାକୁ ମିଳିଥିଲା । ଉକ୍ତ ଘରୁ ମିଳିଥିବା ସୁଇସାଇଡ ନୋଟରେ ସୁଷମା ଅସୁଖୀ ବୈବାହିକ ଜୀବନ କାରଣରୁ ଏଭଳି ପଦକ୍ଷେପ ନେଇଥିବା ଉଲ୍ଲେଖ କରିଛନ୍ତି । ପୋଲିସ ଶବ ଜବତ କରିବା ସହିତ ଶବ ବ୍ୟବଚ୍ଛେଦ ପାଇଁ ପଠାଯାଇଛି ।
