୧୦୦ ମାର୍କର ପରୀକ୍ଷା କରାଇଥିଲେ ପ୍ରଣବ

Dec 24, 2020 - 13:06 Updated: Dec 24, 2020 - 13:06

5725

ଭୁବନେଶ୍ୱର: ବିଜୁ ଜନତା ଦଳ କାର୍ଯ୍ୟାଳୟରେ ଅନୁଷ୍ଠିତ ଛାତ୍ର କାର୍ଯ୍ୟକାରିଣୀ ବୈଠକରେ ନିଆରା ଦୃଶ୍ୟ ସାମ୍ନାକୁ ଆସିଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଭିଭାଷଣ ପରେ ଦଳର ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ (ବବି) ବୈଠକରେ ସାମିଲ ହୋଇଥିବା ଛାତ୍ରନେତାଙ୍କ ପରୀକ୍ଷା ନେଇଥିଲେ । ଛାତ୍ରନେତାମାନେ ବିଜେଡି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ବିଷୟରେ କେତେଥର ଅବଗତ ଅଛନ୍ତି ତାହାର ପରୀକ୍ଷା ହୋଇଥିଲା । ବୈଠକରେ ସାମିଲ ହୋଇଥିବା ୧୭୭ ଜଣ ଛାତ୍ରଛାତ୍ରୀଙ୍କ ପରୀକ୍ଷା ନେଇଥିଲେ । ସମସ୍ତଙ୍କୁ ୨୫ଟି ପ୍ରଶ୍ନ ଥିବା ପ୍ରଶ୍ନପତ୍ର ଧରାଇଥିଲେ ଏବଂ ୨୦ ମିନିଟରେ ଏହାର ଉତ୍ତର ଲେଖିଦେବାକୁ କହିଥିଲେ । ଉପସ୍ଥିତ ଛାତ୍ରନେତାମାନେ ୧୦୦ ମାର୍କର ପରୀକ୍ଷା ଦେଇଥିଲେ । ପରୀକ୍ଷାର ପରିଚାଳନାରେ ଭାର ଖୋଦ ପ୍ରଣବ ସମ୍ଭାଳିଥିଲେ ।