୧୮ ବର୍ଷର ରେକର୍ଡ ଭାଙ୍ଗିବେ ସାମି!
୧୮ ବର୍ଷର ରେକର୍ଡ ଭାଙ୍ଗିବେ ସାମି!
admin
6698
ସିଡନୀ : ଆସନ୍ତା କାଲି ଭାରତ ଏବଂ ଅଷ୍ଟ୍ରେଲିଆ ଶୃଙ୍ଖଳାର ତୃତୀୟ ତଥା ଅନ୍ତିମ ମ୍ୟାଚ ଖେଳାଯିବ । ଅଷ୍ଟ୍ରେଲିଆ ସିରିଜ ଜିତି ସାରିଥିବାରୁ ଏହି ମ୍ୟାଚଟି କେବଳ ଔପଚାରିକ ହୋଇ ରହିଛି । ଭାରତ ଏହି ମ୍ୟାଚରେ ସମ୍ମାନ ରକ୍ଷା ପାଇଁ ଏବଂ ଅଷ୍ଟ୍ରେଲିଆ କ୍ଲିନ ସୁଇପ ଲକ୍ଷ୍ୟରେ ଖେଳିବେ । ଭାରତୀୟ ପେସ ବୋଲର ମହମ୍ମଦ ସାମି ୧୮ ବର୍ଷର ରେକର୍ଡ ଭାଙ୍ଗିବା ଦ୍ୱାର ଦେଶରେ ଅଛନ୍ତି ।
କାନବେରାର ମାନୁକା ଓଭାଲରେ ଏହି ମ୍ୟାଚ ଖେଳାଯିବ । ଏହି ମ୍ୟାଚରେ ୨ଟି ୱିକେଟ ଅକ୍ତିଆର କଲେ ସାମି ୧୮ ବର୍ଷ ତଳୁ ଅଜିତ ଅଗରକରଙ୍କ ନାମରେ ରହିଥିବା ରେକର୍ଡ ଭାଙ୍ଗିବେ । ଭାରତୀୟ ଦ୍ରୁତ ବୋଲର ସାମି ୭୯ଟି ଦିନିକିଆ ମ୍ୟାଚରୁ ୧୪୮ଟି ୱିକେଟ ଅକ୍ତିଆର କରିଛନ୍ତି । ସାମି ୨ଟି ୱିକେଟ ଅକ୍ତିଆର କଲେ ଦ୍ରୁତତମ ଭାରତୀୟ ଭାବରେ ୧୫୦ ୱିକେଟ କ୍ଲବରେ ସାମିଲ ହେବେ । ଅଗରକର ୯୭ ମ୍ୟାଚରୁ ୧୫୦ ୱିକେଟ ଅକ୍ତିଆର କରିଥିଲେ ।
ଏହି ମାଇଲଖୁଣ୍ଟ ହାସଲ କଲେ ସାମି ଆନ୍ତର୍ଜାତିକ କ୍ରିକେଟର ତୃତୀୟ ଦ୍ରୁତତମ ଖେଳାଳି ଭାବରେ ରେକର୍ଡବୁକରେ ନିଜ ନାମ ଉପଲବ୍ଧ କରିବେ । ଅଷ୍ଟ୍ରେଲିଆର ମିଚେଲ ଷ୍ଟାର୍କ ୭୭ ବଲରୁ ୧୫୦ ୱିକେଟ ଅକ୍ତିଆର କରିଥିବା ବେଳେ ପାକିସ୍ତାନର ସାକଲିନ ମୁସ୍ତାକ ୭୯ ମ୍ୟାଚରୁ ୧୫୦ ୱିକେଟ ଅକ୍ତିଆର କରିଛନ୍ତି । ସେହିପରି ଭାରତୀୟ ଅଧିନାୟକ ବିରାଟ କୋହଲି ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିବା ଲକ୍ଷ୍ୟରେ ରହିବେ । କୋହଲି ୨୩ ରନ କଲେ ଦିନିକିଆରେ ଦ୍ରୁତତମ ୧୨ ହଜାର ରନ କ୍ଲବରେ ସାମିଲ ହେବେ ।
