ଅଟୋରୁ ଖସି ପାଞ୍ଚ ବର୍ଷର ଛାତ୍ର ମୃତ, ମୃତ୍ୟୁକୁ ନେଇ ଉତେଜନା
ଅଟୋରୁ ଖସି ପାଞ୍ଚ ବର୍ଷର ଛାତ୍ର ମୃତ, ମୃତ୍ୟୁକୁ ନେଇ ଉତେଜନା
admin
3811
ଅଟୋରୁ ଖସିପଡ଼ି ୫ ବର୍ଷର ଛାତ୍ର ମୃତ । ବ୍ରହ୍ମପୁର ଦିଗପହଣ୍ଡି ନିକଟ ତିଳେଶ୍ୱର ରାମମନ୍ଦିର ନିକଟରେ ବୁଧବାର ସକାଳେ ଏକ ଦୁଃଖଦ ଘଟଣା ଘଟି ଯାଇଛି । ମୃତ ଛାତ୍ର ହେଲେ ଦିଗପହଣ୍ଡି ସରସ୍ୱତୀ ଶିଶୁ ବିଦ୍ୟାମନ୍ଦିରର ୫ ବର୍ଷର ଛାତ୍ର ଅଜୟ ପ୍ରଧାନ । ତେବେ ଛାତ୍ର ମୃତ୍ୟୁକୁ ନେଇ ଉତେଜନା ଲାଗିରହିଛି ।
ସବୁଦିନ ପରି ଆଜି ବି ସକାଳୁସକାଳୁ ଅଜୟଙ୍କ ମା’ ପୁଅକୁ ସ୍କୁଲ ପଠାଇବା ପାଇଁ ବ୍ୟାଗରେ ବହିଖାତ, ଜଳଖିଆ ଟିପିନ୍ ଓ ପାଣି ବୋତଲ ଭରି ଅଟୋରେ ବସାଇଥିଲେ । ଅଜୟ ସ୍କୁଲ ଅଟୋରେ ବସି ଦିଗପହଣ୍ଡି ସ୍ଥିତ ଏକ ଘରୋଇ ସ୍କୁଲକୁ ଯାଉଥିବା ବେଳେ ତିଳେଶ୍ୱର ରାମମନ୍ଦିର ନିକଟରେ ଅଟୋ ଚାଳକ ହଠାତ ବ୍ରେକ୍ ମାରି ଦେଇଥିଲେ। ଫଳରେ ଭାରସାମ୍ୟ ହରାଇ ଅଜୟ ଅଟୋରୁ ଛିଟିକି ରାସ୍ତାରେ ପଡ଼ି ଯାଇଥିଲେ । ମୁଣ୍ଡରେ ଶକ୍ତ ଆଘାତ ଲାଗିଥିଲା । ଫଳରେ ଘଟଣାସ୍ଥଳରେ ହିଁ ପ୍ରାଣ ହରାଇଥିଲେ । ଏପଟେ ଅଜୟଙ୍କୁ ସ୍କୁଲ ପଠାଇ ଘର କାମରେ ବ୍ୟସ୍ତ ରହି ଯାଇଥିବା ମା’ ଯେତେବେଳେ ପୁଅଙ୍କ ମୃତ୍ୟୁ ଖବର ଶୁଣିଥିଲେ ସେ ପାଗଳପ୍ରାୟ ହୋଇପଡ଼ିଛନ୍ତି । ଅଜୟ ସମ୍ପର୍କୀୟଙ୍କ କାନ୍ଦବୋବାଳିରେ ହସ୍ପିଟାଲ୍ ପରିସରରେ ଶୋକର ବାତାବରଣ ସୃଷ୍ଟି ହୋଇଛି । ଏହି ଘଟଣାକୁ ନେଇ ଉତ୍ତ୍ୟକ୍ତ ଲୋକ ଦିଗପହଣ୍ଡି-ଚିକିଟି ରାସ୍ତା ଅବରୋଧ କରିଛନ୍ତି ।
