ଆରଡବ୍ଲୁ୍ୟଏସଏସର ଯନ୍ତ୍ରାଂଶକୁ କବାଡିଆଙ୍କୁ ବିକୁଛନ୍ତି କର୍ମଚାରୀ !
ଆରଡବ୍ଲୁ୍ୟଏସଏସର ଯନ୍ତ୍ରାଂଶକୁ କବାଡିଆଙ୍କୁ ବିକୁଛନ୍ତି କର୍ମଚାରୀ !
admin
5238
କଟକ: ସଦରବ୍ଲକର ୨୩ଟି ପଂଚାୟତରେ ପାନୀୟ ଜଳ ସମସ୍ୟା ଦୂର କରିବା ପାଇଁ ସରକାରଙ୍କ ତରଫରୁ ବହୁ ଅର୍ଥ ବ୍ୟୟ କରାଯାଉଛି । ତେବେ ବ୍ଲକ ପରିସର ମଧ୍ୟରେ ଥିବା ଗ୍ରାମ୍ୟ ଜଳ ଯୋଗାଣ ଓ ପରିମଳ ସଂସ୍ଥାର କେତେକ ଅସାଧୁ କର୍ମଚାରୀ ଯନ୍ତ୍ରାଠା ଗୁଡିକୁ କୋବାଡିଆ ଦୋକାନରେ ବିକ୍ରି କରି ବେଶ୍ ଦୁଇ ପଇସା ରୋଜଗାର କରୁଥିବାର ନଜରକୁ ଆସିଛି । ବର୍ତମାନ ଖରାଦିନ ହେତୁ ପଂଚାୟତ ମାନଙ୍କରେ ପାଣି ସମସ୍ୟା ଦୂର କରିବା ପାଇଁ ଜଳ ଯୋଗାଣ ସଂସ୍ଥାରୁ ଯନ୍ତ୍ରାଂଶ ଗୁଡିକୁ ଠିକଣା ଜାଗାରେ ପହଂଚାଇବା ପୂର୍ବରୁ ବାଟରେ ଏଥିରୁ କିଛି କବାଡିଆ ଦୋକାନରେ ବିକ୍ରି କରି ଦେଉଥିବାର ବାରମ୍ବାର ଅଭିଯୋଗ ହୋଇ ଆସୁଥିଲା । ଶୁକ୍ରବାର ଏକ ଟାଟା ଏସିରେ ନଳକୂଅ ଯନ୍ତ୍ରାଂଶ ଗୁଡିକୁ ବିଦ୍ୟାଧରପୁର ସାଇ ମନ୍ଦିର ନିକଟସ୍ଥ ଏକ କବାଡିଆ ଦୋକାନରେ ବିକ୍ରି କରୁଥିବାର ଦେଖିବାକୁ ମିଳିଥିଲା । ଏଥିମଧ୍ୟରୁ ଜଣେ ଅଭିମନୁ୍ୟ ବିଶ୍ୱାଳ ହୋଇଥିବା ବେଳେ ଅନ୍ୟ ଜଣକ ଉକ୍ତ ସଂସ୍ଥାର କର୍ମଚାରୀ ଅଟନ୍ତି । ଏମାନେ ପଂଚାୟତକୁ ଏହି ଯନ୍ତ୍ରପାତି ଆଣିବା ଦାୟିତ୍ୱରେ ଅଛନ୍ତି । ପଂଚାୟତବାସୀ ଜଳ କଷ୍ଟରେ ଥିବାବେଳେ ଯନ୍ତ୍ରାଂଶ ସ୍ଥାନାନ୍ତର ସମୟରେ ବିଭାଗୀୟ ଅଧିକାରୀ ଏହାକୁ ବାଟରେ କବାଡିଆ ଦୋକାନରେ ବିକୁଥିବାର ଦେଖାଯାଇଛି । ଏ ସଂପର୍କରେ ବିଭାଗୀୟ ଯନ୍ତ୍ରୀଙ୍କୁ ପଚାରିବାରୁ ପ୍ରକୃତ ଘଟଣା ବୁଝିବେ ବୋଲି କହିଥିଲେ ।
