ଏମିତି ବି ହୁଏ....ଅନ୍ତିମ ସଂସ୍କାରର ୧୮ ଦିନ ପରେ ଘରକୁ ଫେରିଲେ ମହିଳା
ଏମିତି ବି ହୁଏ....ଅନ୍ତିମ ସଂସ୍କାରର ୧୮ ଦିନ ପରେ ଘରକୁ ଫେରିଲେ ମହିଳା
admin
4629
ହାଇଦ୍ରାବାଦ: ଆନ୍ଧ୍ରରେ ଜଣେ ମହିଳାଙ୍କ ଅନ୍ତିମ ସଂସ୍କାର ହେବାର ୧୮ ଦିନ ପରେ ସେ ଘରକୁ ଫେରିବା ଘଟଣା ସମସ୍ତଙ୍କୁ ଚକିତ କରିଛି । କୃଷ୍ଣା ଜିଲ୍ଲାର ଖ୍ରୀଷ୍ଟିଆନପେଟା ଅଞ୍ଚଳରେ ରହୁଥିବା ମୁତ୍ୟାଲା ଗିରିଜାମ୍ମା (୭୦) କରୋନାରେ ସଂକ୍ରମିତ ହୋଇଥିବା ଜଣାପଡ଼ିବା ପରେ ମେ ୧୨ ତାରିଖରେ ତାଙ୍କୁ ବିଜୟୱାଡା ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ୫ ତାରିଖରେ ତାଙ୍କ ସ୍ୱାମୀ ଗଦୟା ଡାକ୍ତରଖାନାରେ ଯାଇ ଦେଖନ୍ତି ପତ୍ନୀ ଚିକିତ୍ସିତ ହେଉଥିବା ବେଡରେ ନାହାନ୍ତି । ଡାକ୍ତରଖାନାର କର୍ମଚାରୀମାନେ ତାଙ୍କୁ ଶବଗୃହ ଯାଇ ପତ୍ନୀଙ୍କୁ ଖୋଜିବାକୁ କହିଲେ । ଶବଗୃହରେ ନିଜ ପତ୍ନୀଙ୍କ ଭଳି ଦିଶୁଥିବା ଏକ ଶବକୁ ଗଦୟା ଚିହ୍ନଟ କରିଥିଲେ । ଡାକ୍ତରଖାନା କର୍ତ୍ତୃପକ୍ଷ ମୃତୁ୍ୟ ପ୍ରମାଣପତ୍ର ସହ ଗିରିଜମ୍ମାଙ୍କ ଶବକୁ ଗଦୟାଙ୍କୁ ହସ୍ତାନ୍ତର କରିଦେଲେ । ଗତ ୨୩ ତାରିଖରେ ଗଦୟାଙ୍କ ପୁଅ ରମେଶ (୩୫) ର ମଧ୍ୟ କରୋନାରେ ମୃତୁ୍ୟ ହୋଇଥିଲା । ଶୁଦ୍ଧିକି୍ରୟା ଜୁନ ୧ ତାରିଖରେ ସମ୍ପନ୍ନ ହେଲା । ତା ପରଦିନ ଅଚାନକ ଗିରିଜାମ୍ମା ଆସି ଘରେ ପହଞ୍ଚିଲେ । ତାଙ୍କୁ ଦେଖି ସମସ୍ତେ ଅବାକ । ଗିରିଜମ୍ମା କହିଲେ, ତାଙ୍କୁ ଚିକିତ୍ସା ପାଇଁ ଅନ୍ୟ ୱାର୍ଡକୁ ସ୍ଥାନାନ୍ତର କରାଯାଇଥିଲା । କୋଭିଡ ରିପୋର୍ଟ ନେଗେଟିଭ ଆସିବା ପରେ ମଧ୍ୟ ଘରଲୋକ ତାଙ୍କୁ ଆଣିବାକୁ ନ ଯିବାରୁ ସେ ଡାକ୍ତରଖାନା କର୍ତ୍ତୃପକ୍ଷଙ୍କୁ ଜଣାଇଥିଲେ । ସେ ଘରକୁ ଫେରିବା ପାଇଁ ଡାକ୍ତରଖାନା କର୍ତ୍ତୃପକ୍ଷ ୩ ହଜାର ଟଙ୍କା ଦେବା ପରେ ସେ ଘରକୁ ଫେରିଥିଲେ ।
