ଏହି ଦୋସାର ମୂଲ୍ୟ ୩ ହଜାର ଟଙ୍କା

Feb 20, 2020 - 11:57 Updated: Feb 20, 2020 - 11:57

4175

ଦିଲ୍ଲୀର ପିତମପୁରାସ୍ଥିତ ଏକ ରେସ୍ତୋରାଁ ହେଉଛି ‘ସଂକଳ୍ପ’ । ସ୍ଥାନୀୟ ଅଞ୍ଚଳରେ ବିଦେଶୀ ପର୍ଯ୍ୟଟକଙ୍କ ଭିଡ ଅଧିକ ଦେଖିବାକୁ ମିଳେ । କାରଣ ହେଲା ରେସ୍ତୋରାଁରେ ମିଳୁଥିବା ୮ ଫୁଟ ଲମ୍ବର ଦୋସା । ୨ ସପ୍ତାହ ତଳେ ଇଜିପ୍ଟରୁ ଆସିଥିବା ପର୍ଯ୍ୟଟକ ଦଳ ସୋସିଆଲ ସାଇଟରେ ଏହି ରେସ୍ତୋରାଁର ମତାମତ ପଢ଼ି ଏଠାକୁ ଆସିଥିଲେ । ୮ ଫୁଟ ଦୋସା ହିଁ ଥିଲା ସେମାନଙ୍କର ମୁଖ୍ୟ ଆକର୍ଷଣ । ରେସ୍ତୋରାଁ ମାଲିକଙ୍କ କହିବାନୁସାରେ ୨୦୧୬ ରୁ ସେଠାରେ ଏହି ଦୋସା ବିକ୍ରି ହୋଇ ଆସୁଛି । ସମୟକ୍ରମେ ଏଇ ଦୋସାର ଲୋକପ୍ରିୟତା ବଢ଼ୁଛି । ସେ ସମୟର ଦୋସାର ମୂଲ୍ୟ ୨୨୦୦ ଟଙ୍କାଥିବା ବେଳେ ଏବେ ମୂଲ୍ୟ ୩,୦୭୬ ଟଙ୍କା ହୋଇଛି । ଦୋସାର ମୂଲ୍ୟ ବଢ଼ିବା ସତ୍ତ୍ୱେ ଗ୍ରାହକଙ୍କ ସଂଖ୍ୟା କମ୍‍ ହୋଇନାହିଁ ।