ଯାଂଚ ସରିଲା, ଲୋକସଭା ପାଇଁ ୫, ଫୁଲବାଣୀ ବିଧାନସଭା ପାଇଁ ୧୧ ପ୍ରାର୍ଥୀପତ୍ର କାଏମ
ଯାଂଚ ସରିଲା, ଲୋକସଭା ପାଇଁ ୫, ଫୁଲବାଣୀ ବିଧାନସଭା ପାଇଁ ୧୧ ପ୍ରାର୍ଥୀପତ୍ର କାଏମ
admin
5022
କନ୍ଧମାଳ: ନିର୍ଦ୍ଧାରିତ ସୂଚୀ ପ୍ରକାରେ କନ୍ଧମାଳ ଲୋକସଭା ଆସନ ସମେତ ଫୁଲବାଣୀ, ବାଲିଗୁଡା ଓ ଜି ଉଦୟଗିରି ବିଧାନସଭା କ୍ଷେତ୍ର ପାଇଁ ନାମାଙ୍କନ ପତ୍ର ଯାଂଚ ପ୍ରକ୍ରିୟା ଶେଷ ହୋଇଛି । ଲୋକସଭା ଆସନ ପାଇଁ ନିର୍ବାାଚନ ଅଧିକାରୀ ତଥା କନ୍ଧମାଳ ଜିଲାପାଳଙ୍କ କାର୍ଯ୍ୟାଳୟରେ ହୋଇଥିବା ଯାଂଚ ପରେ ଏହି ଆସନ ପାଇଁ ୫ ଜଣଙ୍କ ପ୍ରାର୍ଥୀପତ୍ର କାଏମ ରହିଥିବା ବେଳେ ୩ଜଣଙ୍କ ନାମାଙ୍କନ ନାକଚ ହୋଇଯାଇଥିବା ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ସୂତ୍ରରୁ ଜଣାପଡିଛି । ସବିଶେଷ ସୂଚନା ଅନୁଯାୟୀ ବିଜେଡି ପ୍ରାର୍ଥୀ ଅଚ୍ୟୁତ ସାମନ୍ତ,ବହୁଜନ ସମାଜ ପାର୍ଟିର ଅମୀର ନାୟକ,ସିପିଆଇ-ରେଡଷ୍ଟାର ପାର୍ଟିର ଟୁନା ମଲିକ, ଜାତୀୟ କଂଗ୍ରେସର ମନୋଜ ଆଚାର୍ଯ୍ୟ ଓ ବିଜେପି ପ୍ରାର୍ଥୀ ମହାମେଘ ବାହନ ଐର ଖାରେବେଳ ସ୍ୱାଇଁଙ୍କ ପ୍ରାର୍ଥୀପତ୍ର ଯାଂଚ ପରେ କାଏମ ରହିଛି । ସେହିପରି ତୃଣମୂଳ କଂଗ୍ରେସର ମୃତ୍ୟୁଂଜୟ ନାୟକ,ଜୟପ୍ରକାଶ ଜନତା ଦଳର ପଦ୍ମ ଲୋଚନ ସିଂ ଓ ହିନ୍ଦୁସ୍ଥାନ ନିର୍ମାଣ ଦଳର ବ୍ରହ୍ମଚାରୀ ମାଧବ ଚୈତନ୍ୟଙ୍କ ନାମାଙ୍କନ ବିଭିନ୍ନ କାରଣରୁ ନାକଚ ହୋଇଯାଇଛି । ସୂଚନାଯାଗ୍ୟ, କନ୍ଧମାଳ ଲୋକସଭା ଆସନ ପାଇଁ ସମୂଦାୟ ୮ ଜଣ ପ୍ରାର୍ଥୀ ପ୍ରାର୍ଥୀପତ୍ର ଦାଖଲ କରିଥିଲେ । ଯାଂଚ ପରେ ଏବେ ୫ ଜଣ ପ୍ରାର୍ଥୀ ନିର୍ବାଚନ ମୈଦାନରେ ରହିଛନ୍ତି । ୨୯ ତାରିଖ ପ୍ରାର୍ଥୀପତ୍ର ପ୍ରାତ୍ୟାହାରର ଶେଷ ତାରିଖ ରହିଛି । ସେହିପରି ଫୁଲବାଣୀ ବିଧାନସଭା(ସଂ) ଆସନ ପାଇଁ ପ୍ରାର୍ଥୀପତ୍ର ଦାଖଲ କରିଥିବା ୧୨ ଜଣଙ୍କ ମଧ୍ୟରୁ ବିଜୁ ଜନତା ଦଳ ପ୍ରାର୍ଥୀ(ଡମି)ଜୟଶ୍ରୀ କହଁରଙ୍କ ନାମାଙ୍କନ ନାକଚ ହେବାରୁ ଏହି ଆସନ ପାଇଁ ଯାଂଚ ପରେ ୧୧ ଜଣ ପ୍ରାର୍ଥୀ ନିର୍ବାଚନ ଲଠେଇରେ ରହିଛନ୍ତି । ତେବେ ପ୍ରାର୍ଥୀପତ୍ର ପ୍ରତ୍ୟ।।ହାର ସରିବା ପରେ ପ୍ରକୃତ ଚିତ୍ର ସ୍ପଷ୍ଟ ହେବ ।
